வாக்காளர் பட்டியலில் பெயர் சேர்க்க இன்று கடைசி: பிப். 17-ம் தேதி இறுதிப் பட்டியல் வெளியாகிறது

சென்னை: தமிழகத்​தில் வாக்​காளர் பட்​டியலில் பெயர் சேர்க்க இன்று கடைசி ​நாளாகும். வாக்​காளர் பட்​டியலில் இருந்து நிரந்​தர​மாக குடிபெயர்ந்​த​தாக 66 லட்​சம் பேர் நீக்​கப்​பட்ட நிலை​யில், கடந்த 16-ம் தேதி வரை 12.80 லட்​சம் பேர் மட்​டுமே வாக்காளர் பட்​டியலில் பெயர் சேர்க்க விண்​ணப்​பித்​துள்​ளனர்.

தமிழகத்​தில் கடந்த நவ.4 முதல் டிச.14-ம் தேதி வரை எஸ்​ஐஆர் கணக்​கெடுப்பு பணி​ நடை​பெற்று வந்​தன. அதனைத் தொடர்ந்து கடந்த டிச.19-ம் தேதி அனைத்து மாவட்​டங்​களி​லும் வரைவு வாக்​காளர் பட்​டியல் வெளி​யிடப்​பட்​டது. அதன்​படி, தமிழகத்​தில் 5.43 கோடி வாக்​காளர்​கள் உள்​ளனர். 97.37 லட்​சம் பேர் நீக்​கப்​பட்​டனர்.

இதில் இறந்​தவர்​கள் மட்​டும் 26.94 லட்​சம் பேர், முகவரி​யில்இல்​லாதவர்​கள் 66.44 லட்​சம்பேர், ஒன்​றுக்கு மேற்​பட்ட இடங்​களில் வாக்​குரிமை உள்​ளவர்​கள் 3.98 லட்​சம் பேர் நீக்​கப்​பட்​டுள்​ளனர். அதனைத் தொடர்ந்துகடந்த டிச.19-ம் தேதி முதலேவாக்​காளர் பட்​டியலில் இருந்து நீக்​கப்​பட்​ட​வர்​கள் புதிதாக பெயர் சேர்க்கவும் ஏற்கெனவே நீக்கப்படாதவர்கள் பெயரை நீக்கவும் கடந்த ஜன.1-ம் தேதி​யன்று 18 வயது பூர்த்தி அடைந்​தவர்​கள் தங்கள் பெயர்​களை வாக்​காளர் பட்​டியலில் சேர்க்கவும் படிவங்​கள் பெறப்​பட்டன. மேலும் ஆன்லைன் மூலமும் பலர் விண்ணப்பித்தனர்.

இதன் ஒருபகு​தி​யாக, வாக்​காளர் பட்​டியலில் பெயர் இடம்​பெற்​றிருந்​தா​லும், எஸ்​ஐஆர் படிவங்​களை முறை​யாக பூர்த்தி செய்​யாதவர்​கள் 12 லட்​சம் பேருக்கு அழைப்பு கடிதம் அனுப்பி விசா​ரணை நடத்​தப்​பட்டு வரு​கிறது. இதுதொடர்​பான அறி​விப்​புகள் பிப்​.10-ம் தேதி வெளி​யிடப்பட உள்​ளது.

வாக்​காளர் பட்​டியல் திருத்​தப்​பணி மற்​றும் படிவங்​களை முறை​யாக பூர்த்தி செய்​யாதவர்​களிடம் விசா​ரணை நடத்​தும் பணி​களை துரிப்​படுத்​த​வும், ஏற்​கெனவே உள்ள அலு​வலர்​களுக்கு வேலைப்​பளுவை குறைக்​க​வும் 234 தொகு​தி​களுக்​கும் கூடு​தலாக உதவி வாக்​காளர் பதிவு அலு​வலர்​களாக, சிறப்பு வட்​டாட்​சி​யர்​கள், வட்​டார வளர்ச்சி அலு​வலர்​கள், பேரூ​ராட்சி செயல் அலு​வலர்​கள் உள்​ளிட்​டோர் நியமிக்​கப்​பட்​டனர்.

வாக்​காளர் பட்​டியலில் பெயர் சேர்ப்​ப​தற்கு விண்​ணப்​பிக்க வும் பெயர் சேர்க்க ஏது​வாகவும் கடந்த வார விடு​முறை நாட்​களான டிச.27, 28, ஜன. 3, 4, 10, 11 ஆகிய தேதி​களில் தமிழகம் முழு​வதும் 75 ஆயிரம் வாக்​குச்​சாவடிகளி​லும் சிறப்பு முகாம்​கள் நடத்​தப்​பட்​டன. இதன்படி வாக்​காளர் பட்​டியலில் பெயர் சேர்ப்​ப​தற்கு விண்​ணப்​பிக்க இன்று கடைசி நாளாகும். பின்னர் இறுதி வாக்​காளர் பட்​டியல் பிப்​.17-ம் தேதி வெளி​யிடப்படும். வாக்காளர்பட்​டியலில் இருந்து நிரந்​தர​மாக குடிபெயர்ந்​த​தாக 66 லட்​சம் பேர் நீக்​கப்​பட்ட நிலையில், கடந்த 16-ம் தேதி வரை 12.80 லட்​சம் பேர் மட்​டுமே பட்டியலில் பெயர் சேர்க்க விண்​ணப்​பித்​துள்​ளனர்​ என்​பது குறிப்​பிடத்​தக்​கது.