சென்னை: சென்னை வந்த பிரதமரை வரவேற்காத முதல்வர் ஸ்டாலினுக்கு பாஜக மூத்த தலைவர் தமிழிசை கண்டனம் தெரிவித்துள்ளார்.
இதுகுறித்து அவரது எக்ஸ் தள பதிவில் கூறியது: தமிழகத்தின் வளர்ச்சிக்கு வலுசேர்க்கும் வகையில், சுமார் ரூ.7 ஆயிரம் கோடி மதிப்பிலான மக்கள் நலத்திட்டங்களை அர்ப்பணிக்க வந்த பிரதமரை ஒட்டுமொத்த தமிழகமும் உற்சாகத்தோடு வரவேற்கிறது.
ஆனால், முதல்வர் பின்பற்றுவது எந்த வகையான கலாச்சாரம்? முதல்வர் நகருக்குள் இருந்தும் பிரதமரை வரவேற்கச் செல்லவில்லை.
தமிழக வளர்ச்சித் திட்டங்களை வழங்க வந்த பிரதமரை, முதல்வர் வரவேற்காமல் இருப்பது கண்டிக்கத்தக்கது தமிழகத்துக்கு திட்டங்களை பிரதமர் நேரடியாகத் தொடங்கிவைக்கும்போது, அதற்கு என்னபதில் சொல்வது என்று தெரியாமல்தான் முதல்வர் இந்த விழாவைத் தவிர்க்கிறாரா? இவ்வாறு கூறியுள்ளார்.
