சென்னை: கூடுவாஞ்சேரி - தாம்பரம் இடையே பொறியியல் பணி நடக்க உள்ளதால், 5 மின்சார ரயில்களின் சேவையில் இன்று (அக்.6) மாற்றம் செய்யப்பட உள்ளது.
அதன் விவரம்: செங்கல்பட்டு - சென்னை கடற்கரைக்கு காலை 11.50, நண்பகல் 12.30, மதியம் 1.05, 1.35, பிற்பகல் 2.15 மணிக்கு புறப்பட வேண்டிய மின்சார ரயில்கள், செங்கல்பட்டு - தாம்பரம் இடையே பகுதி அளவில் ரத்து செய்யப்பட உள்ளன. இந்த ரயில்கள் தாம்பரம் - கடற்கரை இடையே இயக்கப்படும்.
கடற்கரை - செங்கல்பட்டுக்கு காலை 10.13, 10.48, முற்பகல் 11.28, நண்பகல் 12.02, 12.30 மணிக்கு புறப்படும் மின்சார ரயில்கள், தாம்பரம்- செங்கல்பட்டு இடையே ரத்து செய்யப்பட உள்ளன.
