ஷீரடிக்கு ஆன்மிக சிறப்பு ரயில் செப்டம்பர் 28-ம் தேதி புறப்படும்: ஐஆர்சிடிசி அறிவிப்பு

தமிழகத்தில் இருந்து ஷீரடிக்கு ஆன்மிக சிறப்பு ரயில் வரும் 28-ம் தேதி புறப்படும் என ஐஆர்சிடிசி அறிவித்துள்ளது.

இந்திய உணவு மற்றும் சுற்றுலா கழகம் (ஐஆர்சிடிசி) கடந்த 2005-ம் ஆண்டு முதல் சிறப்பு ரயில்களை இயக்கி பல்வேறு விதமான சுற்றுலாக்களை நடத்தி வருகிறது. காஷ்மீர் முதல் கன்னியாகுமரி வரையில் உள்ள பல்வேறு ஆன்மிக சுற்றுலா தலங்களுக்கு சிறப்பு ரயில்கள் இயக்கப்படுகின்றன.

ஷீரடிக்கு..

இது தொடர்பாக ஐஆர்சிடிசி அதிகாரி ஒருவர் கூறியதாவது:

ஐஆர்சிடிசி மூலம் பல்வேறு தளங்களுக்கு இதுவரையில் 300-க்கும் மேற்பட்ட சுற்றுலா சிறப்பு ரயில்கள் இயக்கப்பட்டுள்ளன. இதில், 1 லட்சத்துக்கும் மேற்பட்டோர் பயணம் செய்துள்ளனர். இந்நிலையில், வரும் 28-ம் தேதி மதுரையில் இருந்து புறப்பட்டு திண்டுக்கல், திருச்சி, விருத்தாசலம், விழுப்புரம், சென்னை எழும்பூர் வழியாக பண்டரிபுரம், ஷீரடி, மந்தராலயம் செல்ல ஏற்பாடு செய்யப்பட்டுள்ளது.

மொத்தம் 7 நாட்கள் கொண்ட இந்த பயணத் திட்டத்தில் ஒரு நபருக்கு ரூ.5,880 என கட்டணம் நிர்ணயம் செய்யப்பட்டுள்ளது. இதில், கட்டணம், சைவ உணவு, தங்கும் வசதி உள்ளிட்டவை அடங்கும். இது தொடர்பாக மேலும் தகவல்களைப் பெற 9003140681 என்ற எண்ணைத் தொடர்பு கொள்ளலாம்.