Published : 01 Oct 2022 12:12 PM
Last Updated : 01 Oct 2022 12:12 PM

நடிகர் சிவாஜி கணேசன் பிறந்தநாள்: முதல்வர் ஸ்டாலின் மரியாதை

முதல்வர் ஸ்டாலின்

சென்னை: நடிகர் சிவாஜி கணேசனின் 95-வது பிறந்தநாளையொட்டி அவரது உருவப்படத்திற்கு தமிழக அரசு சார்பில் முதல்வர் மு.க.ஸ்டாலின் மலர்தூவி மரியாதை செலுத்தினார்.

நடிகர் சிவாஜிகணேசனின் 95-வது பிறந்தநாள் இன்று. இதனையொட்டி, சென்னை அடையாறில் உள்ள சிவாஜி கணேசனின் மணிமண்டபத்தில் வைக்கப்பட்டிருந்த அவரது உருவப்படத்திற்கு முதல்வர் ஸ்டாலின் மலர்தூவி மரியாதை செலுத்தினார்.

இந்நிகழ்வில், அமைச்சர்கள் துரைமுருகன், எ.வ.வேலு, கே.என்.நேரு, சேகர்பாபு, மா.சுப்பிரமணியன், ரகுபதி மற்றும் சென்னை மாநகர மேயர் பிரியா ஆகியோர் பங்கேற்று மரியாதை செலுத்தினா்.

இதேபோல், தமிழ்நாடு காங்கிரஸ் கமிட்டியின் தலைவர் கே.எஸ்.அழகிரி மற்றும் நடிகர் சிவாஜிகணேசனின் குடும்பத்தினர் உள்ளிட்டோர் இந்நிகழ்வில் கலந்து கொண்டனர்.


தவறவிடாதீர்!

Sign up to receive our newsletter in your inbox every day!

 
x