Published : 17 Sep 2021 03:11 am

Updated : 17 Sep 2021 05:53 am

 

Published : 17 Sep 2021 03:11 AM
Last Updated : 17 Sep 2021 05:53 AM

முதுகலை பட்டதாரி ஆசிரியர் போட்டித்தேர்வு- ஆன்லைனில் விண்ணப்பிக்க முடியாமல் தேர்வர்கள் மீண்டும் ஏமாற்றம்

teachers-exam-online-application

சென்னை

அரசு மேல்நிலைப் பள்ளிகளில் 2,098 முதுகலை பட்டதாரி ஆசிரியர்மற்றும் உடற்கல்வி இயக்குநர் பணியிடங்களை நிரப்பும் பொருட்டு ஆசிரியர் தேர்வு வாரியம் கடந்த பிப்ரவரி 11-ம் தேதி அறிவிப்பு வெளியிட்டிருந்தது. அதற்கான ஆன்லைன் விண்ணப்ப பதிவு மார்ச் 1-ம் தேதி அன்று தொடங்கப்படுவதாக அதில் குறிப்பிடப்பட்டிருந்தது.

ஆனால், மார்ச 1-ம் தேதி தேர்வுக்காக ஆன்லைனில் விண்ணப்பிக்க முயன்ற தேர்வர்கள் ஏமாற்றம் அடைந்தனர். தொழில்நுட்ப காரணங்களால் ஆன்லைன் விண்ணப்பப் பதிவு தள்ளிவைக்கப்படுகிறது என்ற அறிவிப்பு வெளியிடப்பட்டு இருந்தது.


இந்நிலையில், 2,207 முதுகலைபட்டதாரி ஆசிரியர் பணியிடங்களை நிரப்புவதற்கான புதிய அறிவிப்பை ஆசிரியர் தேர்வு வாரியம் கடந்த 9-ம் தேதி அன்று வெளியிட்டது. இதற்கான ஆன்லைன் விண்ணப்பப் பதிவு செப். 16 முதல்அக். 17-ம் தேதி வரை நடைபெறும் என்றும் அதில் குறிப்பிடப்பட்டிருந்தது.

இதைத் தொடர்ந்து, நேற்று காலையில் ஆன்லைனில் விண்ணப்பிக்க முயன்ற தேர்வர்களுக்கு வழக்கம் போல் ஏமாற்றமே மிஞ்சியது. காரணம், ஆன்லைனில் விண்ணப்பிப்பதற்கான இணைப்பு ஏதும் ஆசிரியர் தேர்வு வாரியத்தின் இணையதளத்தில் இல்லை. மாலை 6 மணி வரையிலும் இதேநிலைதான் நீடித்தது.




தேர்தல் நடத்தும் அலுவலர்தேர்வர்கள் ஏமாற்றம்ஆன்லைன் விண்ணப்பம்Teachers exam online applicationஆசிரியர் தேர்வு வாரியம்ஆன்லைன் விண்ணப்பப் பதிவு

Sign up to receive our newsletter in your inbox every day!

More From This Category

More From this Author

x