Published : 14 Aug 2020 08:34 am

Updated : 14 Aug 2020 08:34 am

 

Published : 14 Aug 2020 08:34 AM
Last Updated : 14 Aug 2020 08:34 AM

மதுரைப்பாக்கம் - பொன்மார் இடையே இருவழி பாலம் 4 வழி பாலமாக விரிவாக்கம்: ரூ.1.70 கோடி மதிப்பீட்டில் அமைகிறது

4-way-bridge
மேடவாக்கம் - பொன்மார் சாலையின் இடையே மதுரைப்பாக்கம் ஓடையின்மீது உள்ள 2 வழிப் பாலத்தை 4 வழிப் பாலமாக மாற்றும் பணியை நெடுஞ்சாலைத் துறையினர் மேற்கொண்டுள்ளனர். படம் : எம்.முத்துகணேஷ்

தாம்பரம்

மேடவாக்கம் - பொன்மார் சாலைவிரிவாக்கத்துக்காக ரூ.1 கோடியே 70 லட்சம் மதிப்பீட்டில் இருவழிப் பாலத்தை 4 வழிப் பாலமாக மாற்றும் பணி தொடங்கப்பட்டுள்ளது.

மேடவாக்கம் - மாம்பாக்கம் சாலையில் எப்போதும் போக்குவரத்து நெரிசல் மிகுந்து காணப்படுகிறது. இதனால் தாம்பரம் நெடுஞ்சாலை கோட்டத்தின் கட்டுப்பாட்டில் உள்ள மேடவாக்கம் முதல் பொன்மார் வரையில் 4 வழிச் சாலையாக விரிவாக்கம் செய்யும் பணி 3 கட்டங்களாக ரூ.8 கோடி மதிப்பீட்டில் நடைபெறுகிறது. இதேபோல் மழைநீர்வடிகால்வாய் பணியும் சாலையில் இரு பக்கங்களிலும் நடைபெறுகிறது.


இந்நிலையில் பொன்மாரில் உள்ள இருவழிப் பாலத்தை ரூ.1 கோடியே 70 லட்சம் மதிப்பீட்டில் 4 வழிப் பாலமாக மாற்றும் நடவடிக்கையில் நெடுஞ்சாலைத் துறையினர் ஈடுபட்டுள்ளனர்.

இதுகுறித்து நெடுஞ்சாலைத் துறை பொறியாளர் ஒருவர் கூறியதாவது: மக்கள் பயன்பாட்டுக்கு வசதியாக மேடவாக்கம் முதல் பொன்மார் வரை 8 கி.மீ. தூரம்மழைநீர் வடிகால் வசதியுடன் சாலை விரிவாக்கப் பணி நடைபெறுகிறது. இதில் மதுரைப்பாக்கம் - பொன்மார் இடையே மதுரைப்பாக்கம் ஓடை மீது உள்ள 2 வழிப் பாலத்தை 4 வழிப் பாலமாக மாற்றும் பணி தற்போது நடைபெற்று வருகிறது. 6 மாதங்களில் பணி முடிக்க இலக்கு நிர்ணயிக்கப்பட்டுள்ளது என்றார்.


மதுரைப்பாக்கம்பொன்மார்இருவழி பாலம்4 வழி பாலமாக விரிவாக்கம்

Sign up to receive our newsletter in your inbox every day!

You May Like

More From This Category

More From this Author