Published : 11 Jul 2020 11:51 am

Updated : 11 Jul 2020 11:51 am

 

Published : 11 Jul 2020 11:51 AM
Last Updated : 11 Jul 2020 11:51 AM

கரோனா தொற்று: கிராமப்புறங்கள் மீதும் அதீத கவனம் செலுத்த வேண்டும்; ஆரம்ப சுகாதார மையங்களை வலுப்படுத்துக; கமல்ஹாசன்

kamalhaasan-on-corona-virus-in-villages
கமல்ஹாசன்: கோப்புப்படம்

சென்னை

நகரங்களில் பரவலான ஆய்வுகள் மூலம் நோய்த்தொற்று இருப்பதை ஆராயும் அரசு, கிராமப்புறங்களின் மீதும் அதீத கவனம் செலுத்த வேண்டும் என, மக்கள் நீதி மய்யம் கட்சியின் தலைவர் கமல்ஹாசன் வலியுறுத்தியுள்ளார்.

இது தொடர்பாக, கமல்ஹாசன் இன்று (ஜூலை 11) வெளியிட்ட அறிக்கை:

"கரோனா நோயின் தாக்கம் சென்னை, திருவள்ளூர், காஞ்சிபுரம், செங்கல்பட்டு மாவட்டங்களில்தான் அதிகம் இருந்தது என்ற நிலை கொஞ்சம் கொஞ்சமாக கடந்த 10 நாட்களில் மாறி இருப்பது, பரவலான ஆய்வுகள் ஆரம்பித்ததும் உண்மை நிலை வெளிவருவதை உணர்த்துகிறது.

நகரங்களில் பரவலான ஆய்வுகள் மூலம் நோய்த்தொற்று இருப்பதை ஆராயும் அரசு, கிராமப்புறங்களின் மீதும் அதீத கவனம் செலுத்த வேண்டும்.

நோய்த்தொற்று கண்டறிதல், அதற்கான சிகிச்சைகள், அதுகுறித்த விழிப்புணர்வு, தடுப்பு நடவடிக்கைகள் கிராமங்களில் அதிகப்படுத்த வேண்டிய அவசியம் வந்திருப்பதற்கு காரணமே கிராமங்களை அரசு இத்தனை நாள் கண்டுகொள்ளாமல் விட்டதே காரணம்.

தமிழகத்தில் பல கிராமங்களில் ஆரம்ப சுகாதார மையங்கள் முறையான கட்டமைப்பு, போதிய உபகரணங்கள், மருத்துவ ஊழியர்களோ இன்றிதான் செயல்படுகிறது. பல நவீன மருத்துவமனைகளைக் கொண்ட பெரும் நகரங்கள் கரோனாவின் தாக்கத்தில் தள்ளாடும்போது ஆரம்ப சுகாதார மையங்கள், நோய்த்தொற்று அதிகரித்தால் என்னவாகும் என்பதை அரசு கவனத்தில் கொள்ள வேண்டும்.

முறையான வசதிகள் இல்லாத ஆரம்ப சுகாதார மையங்கள், அது இல்லையென்றால் அருகில் உள்ள நகரத்துக்குச் செல்ல வேண்டும் என்ற நிலையில் இருக்கும் கிராமங்களில் இந்தக் கரோனா தொற்று வருமுன் தடுக்கும் நடவடிக்கையை அரசு தீவிரமாக எடுக்க வேண்டும். வந்தபின் கட்டுப்படுத்துவது மிகவும் சவாலான விஷயம் என்று உணர்ந்து செயல்பட வேண்டும். கிராமங்களில் இத்தொற்று பரவினால் நம் நாட்டுக்கு ஏற்படக்கூடிய பாதிப்புகள் பொருளாதார அளவில், மருத்துவ அளவில் மட்டுமல்ல அடிப்படைத்தேவைகள் கூட கிட்டாத அளவுக்குச் செல்லக்கூடும்.

இந்தியாவின் ஆன்மா கிராமங்களில் உள்ளது என பாடப்புத்தகத்தில் மட்டும் சொல்லாமல், செயலில் காண்பித்து, கிராமங்கள் இத்தொற்றுப் பரவலில் சிக்காமல் இருக்க விரைந்து காத்திடுவது நம் கடமை".

இவ்வாறு கமல்ஹாசன் தெரிவித்துள்ளார்.

தவறவிடாதீர்!

கமல்ஹாசன்மக்கள் நீதி மய்யம்கிராமங்கள்கரோனா வைரஸ்கொரோனா வைரஸ்KamalhaasanMakkal needhi maiamVillagesCorona virusONE MINUTE NEWS

Sign up to receive our newsletter in your inbox every day!

You May Like

More From This Category

More From this Author