Published : 29 Aug 2019 08:34 am

Updated : 29 Aug 2019 08:34 am

 

Published : 29 Aug 2019 08:34 AM
Last Updated : 29 Aug 2019 08:34 AM

பிரதமர், உள்துறை அமைச்சருக்கு கொலை மிரட்டல்; தமுமுக பேச்சாளர் கைது: கட்சி பொறுப்பிலிருந்து நீக்கம்

tmmk-spokesman-arrested

பெரம்பலூர்

பெரம்பலூர் மாவட்டம் லெப்பைக் குடிகாட்டில் அண்மையில் நடை பெற்ற தமுமுக தெருமுனை பிரச்சாரக் கூட்டத்தில் பிரதமர், உள்துறை அமைச்சர் ஆகியோ ருக்கு கொலை மிரட்டல் விடுத்துப் பேசிய அந்த இயக்கத்தின் தலை மைக் கழக பேச்சாளரை மங்கல மேடு போலீஸார் நேற்று கைது செய்து சிறையில் அடைத்தனர்.


மத்திய அரசு அமல்படுத்தியுள்ள முத்தலாக் தடை சட்டம், என்.ஐ.ஏ, யுஏபிஏ சட்டம், காஷ்மீருக்கு சிறப்பு அந்தஸ்து சட்டப் பிரிவு நீக்கம் உள்ளிட்டவற்றைக் கண்டித்து தமிழ்நாடு முஸ்லிம் முன்னேற்றக் கழகம் சார்பில் கடந்த 23-ம் தேதி பெரம்பலூர் மாவட்டம் லெப்பைக் குடிகாடு பேருந்து நிலையம் பகுதியில் தெருமுனை பிரச்சாரக் கூட்டம் நடைபெற்றது.

இதில் சிறப்பு அழைப்பாள ராகக் கலந்துகொண்ட, அந்த அமைப்பின் தலைமைக் கழக பேச்சாளர் எம்.முகமது ஷரீப் பேசிய ஒரு வீடியோ பதிவு சமூக வலைதளங்களில் பரவி சர்ச்சையைக் ஏற்படுத்தி உள்ளது.

பிரதமர், உள்துறை அமைச்சர் அமித் ஷா ஆகியோருக்கு கொலை மிரட்டல் விடுக்கும் விதமாக எம்.முகமது ஷரீப் பேசுவதாக அந்த வீடியோ பதிவு அமைந்துள்ளது. இதுகுறித்து மங்கலமேடு காவல் உதவி ஆய்வாளர் அண்ணாதுரை அளித்த புகாரின்பேரில், சர்ச்சைக் குரிய வகையில் பேசியதாக திருச்சி பீமநகரைச் சேர்ந்த எம்.முகமது ஷரீப்(24) மீது, மங்கலமேடு போலீஸார் ஐபிசி 188, 189, 153ஏ, 504, 505, 506(1) ஆகிய 6 பிரிவுகளின் கீழ் நேற்று வழக்கு பதிவு செய்து அவரைக் கைது செய்தனர்.

திருச்சி சிறையில் அடைப்பு

பெரம்பலூர் ஜேஎம் 2 நீதி மன்றத்தில் ஆஜர்படுத்தப்பட்ட எம்.முகமது ஷரீப்பை, செப்.9-ம் தேதி வரை நீதிமன்றக் காவலில் வைக்குமாறு மாஜிஸ்திரேட் கருப்பசாமி உத்தரவிட்டதை அடுத்து, அவர் திருச்சி மத்திய சிறையில் அடைக்கப்பட்டார்.

இதற்கிடையில், தமுமுக தலைவர் எம்.எச்.ஜவாஹிருல்லா நேற்று வெளியிட்ட அறிக்கையில், ‘பெரம்பலூர் மாவட்டம் லெப்பைக் குடிகாட்டில் கடந்த 23-ம் தேதி நடை பெற்ற ஒரு கூட்டத்தில், ஷெரீப், பேசிய கருத்துகளை தமுமுக தலைமை நிர்வாகக் குழு வன்மை யாகக் கண்டிக்கிறது. தமுமுக தலை மைக் கழக பேச்சாளர் பொறுப் பில் இருந்து அவர் நீக்கப்படு கிறார்' எனத் தெரிவித்துள்ளார்.

அன்பு வாசகர்களே....


வரும் ஏப்ரல் 14 வரை வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை



பெரம்பலூர் மாவட்டம்தமுமுக பேச்சாளர் கைதுபிரதமருக்கு கொலை மிரட்டல்உள்துறை அமைச்சருக்கு கொலை மிரட்டல்கட்சி பொறுப்பிலிருந்து நீக்கம்முத்தலாக் தடை சட்டம்என்.ஐ.ஏயுஏபிஏ சட்டம்காஷ்மீருக்கு சிறப்பு அந்தஸ்து சட்டப் பிரிவு நீக்கம்

Sign up to receive our newsletter in your inbox every day!

You May Like

More From This Category

More From this Author