Published : 21 May 2015 08:06 AM
Last Updated : 21 May 2015 08:06 AM
தமிழக அரசின் திரைப்படம் மற்றும் சின்னத்திரை விருதுகளைப் பெற விண்ணப்பிப்பதற்கான தேதி 27-ம் தேதி வரை நீட்டிக்கப்பட்டுள்ளது,
இதுகுறித்து செய்தி மக்கள் தொடர்புத்துறை இயக்குநர் வெளியிட்ட செய்திக்குறிப்பில் கூறியிருப்பதாவது:
தமிழக அரசின் சார்பில் 2013-ம் ஆண்டுக்கான திரைப்பட விருதுகள், சின்னத்திரை விருதுகள், 2011,12 மற்றும் 13-ம் ஆண்டுகளுக்கான திரைப்பட மானியம் வழங்க தகுதியுடைய சிறந்த தமிழ் திரைப்படங்கள், நெடுந்தொடர்கள், நடிகர், நடிகையர் மற்றும் தொழில்நுட்பக் கலைஞர்களை தேர்வு செய்ய விண்ணப்பங்கள் பெறப்பட்டு வருகின்றன. பூர்த்தி செய்யப்பட்ட விண்ணப்பங்கள் 20-ம் தேதி (நேற்று) மாலை 5 மணி வரை பெறப்படும் என தெரிவிக்கப்பட்டிருந்தது. இந்த காலக்கெடுவை நீட்டித்து வழங்க வேண்டும் என திரையுலகத்தினர் கோரிக்கை விடுத்தனர். இதை ஏற்று விண்ணப்பங்கள் பெறப்படுவது 27-ம் தேதி மாலை 5 மணி வரை நீட்டிக்கப்பட்டுள்ளது. பூர்த்தி செய்த விண்ணப்பங்கள் தரமணி, எம்ஜிஆர் அரசு திரைப்படம் மற்றும் தொலைக்காட்சி நிறுவன வளாகத்தில் உள்ள திரைப்படத் துறையினர் நலவாரியத்தில் அரசு விடுமுறை நாட்கள் தவிர்த்து பெறப்படும்.
இவ்வாறு அதில் கூறப்பட் டுள்ளது.
Sign up to receive our newsletter in your inbox every day!
WRITE A COMMENT