டெல்லி தமிழ்நாடு இல்லத்தில் அம்மா உணவகம்

தலைநகர் புதுடெல்லியில் இருக்கும் தமிழ்நாடு இல்லத்தில் ஒவ்வொரு ஆண்டும், பொங்கல் விழா நடைபெறும். இதில், தமிழகத்தின் பாரம்பரிய கலை நிகழ்ச்சிகள், உணவுத் திருவிழாக்கள் இடம்பெறும்.

இந்த ஆண்டின் பொங்கல் விழா, வரும் 12-ம் தேதி முதல், 14-ம் தேதி வரை மூன்று நாட்கள் நடைபெற உள்ளது. அதில் சென்னையிலுள்ள அம்மா உணவகம் மாதிரியே , ஒரு உணவகம் செயல்பட உள்ளது. சென்னை அம்மா உணவகங்களில் வழங்கப்படும் பொங்கல், இட்லி, சாம்பார் மற்றும் தயிர் சாதம், கருவேப்பிலை, எலுமிச்சை சாதங்கள் பொதுமக்களுக்கு வழங்கப்பட உள்ளது .

அம்மா உணவகத்தை சிறப்பாக நடத்த தமிழ்நாடு இல்ல அதிகாரிகளும், சென்னை மாநகராட்சி அதிகாரிகளும் தீவிர நடவடிக்கையில் ஈடுபட்டு வருவதாக சென்னை மாநகராட்சி வட்டாரம் தெரிவிக்கிறது.