தங்கம் விலை பவுனுக்கு ரூ.96 குறைவு

சென்னையில் தங்கத்தின் விலை நேற்று ஒரு பவுனுக்கு ரூ.96 குறைந்து ரூ.22 ஆயிரத்து 808க்கு விற்பனை செய்யப்பட்டது.

சர்வதேச அளவில் தொடர்ந்து உயர்ந்து வந்த தங்கம் விலை நேற்று கணிசமாக குறைந்தது. இதனால், உள்ளூரில் நேற்று தங்கம் விலை சிறிய அளவில் குறைந்து இருந்தது. சென்னையில் நேற்று பவுனுக்கு ரூ.96 குறைந்து ரூ.22 ஆயிரத்து 808க்கு விற்கப்பட்டது. 22 கேரட் கொண்ட ஒரு கிராம் தங்கம் ரூ.2 ஆயிரத்து 851க்கு விற்கப்பட்டது. இதுவே, நேற்று முன்தினம் ரூ.2 ஆயிரத்து 863க்கு விற்கப்பட்டது.