ப்ரீமியம்
தமிழக மின் கட்டண அப்டேட் முதல் நியூயார்க் நகரை சூழ்ந்த ஆரஞ்சு புகை வரை | செய்தித் தெறிப்புகள் 10 @ ஜூன் 8, 2023

தமிழகத்தில் வீடுகளுக்கு மின் கட்டண உயர்வு இல்லை: தமிழகத்தில் வீட்டு இணைப்புகளுக்கு மின் கட்டண உயர்வு இல்லை என்று தமிழக அரசு தெரிவித்துள்ளது. அதேவேளையில், வேளாண் இணைப்புகள், குடிசை இணைப்புகள், வீடுகளுக்கு 100 யூனிட் இலவச மின்சாரம், கைத்தறி, விசைத்தறிகள் போன்றவைகளுக்கு அளிக்கப்படும் இலவச மின்சாரச் சலுகைகள் தொடர்ந்து வழங்கப்படும் என்றும், வணிக மற்றும் தொழில் அமைப்புகளுக்கு மட்டுமே யூனிட் ஒன்றிக்கு 13 பைசா முதல் 21 பைசா வரை மிகக் குறைந்த அளவில் மின்கட்டணம் உயரும் என்றும் தெரிவிக்கப்பட்டுள்ளது.

இதனிடையே “சிறு, குறு தொழில் நிறுவனங்கள் பெரும் பாதிப்புக்கு உள்ளாவதால், தொழில் மற்றும் வணிக நிறுவனங்களுக்கான மின்சாரக் கட்டண உயர்வையும் தமிழக அரசு திரும்பப்பெற வேண்டும்” என பாமக தலைவர் அன்புமணி வலியுறுத்தியுள்ளார்.