அடிலெய்டு: ஆஸ்திரேலியா - இங்கிலாந்து அணிகள் இடையிலான ஆஷஸ் டெஸ்ட் கிரிக்கெட் தொடர் நடைபெற்று வருகிறது. 5 போட்டிகள் கொண்ட இந்தத் தொடரில் முதல் 2 ஆட்டங்களிலும் ஆஸ்திரேலிய அணி அபார வெற்றி பெற்றது.
இதன் மூலம் அந்த அணி தொடரில் 2-0 என முன்னிலை வகிக்கிறது. 3-வது டெஸ்ட் போட்டி வரும் 17-ம் தேதி அடிலெய்டு நகரில் தொடங்குகிறது.
இந்நிலையில், இந்த போட்டிக்கான 15 பேர் கொண்ட ஆஸ்திரேலிய அணி நேற்று அறிவிக்கப்பட்டுள்ளது. முதுகு வலி காயத்தில் இருந்து முழுமையாக குணமடைந்துள்ள கேப்டன் பாட் கம்மின்ஸ் அணிக்கு திரும்பி உள்ளார்.
அணி விவரம்: பாட் கம்மின்ஸ் (கேப்டன்), டிராவிஸ் ஹெட், ஜேக் வெதரால்டு, உஸ்மான் கவாஜா, ஸ்டீவ் ஸ்மித், மார்னஷ் லபுஷேன், அலெக்ஸ் கேரி, ஜோஷ் இங்லிஷ், கேமரூன் கிரீன், பியூ வெப்ஸ்டர், நேதன் லயன், மிட்செல் ஸ்டார்க், ஸ்காட் போலண்ட், பிரண்டன் டாகெட், மைக்கேல் நேசர்.
