ஹாக்கியில் இந்தியா ஏமாற்றம்

டென் போஷ் அணிக்கு எதிரான ஆட்டத்தில் இந்திய மகளிர் ஹாக்கி அணி 1-3 என்ற கோல் கணக்கில் தோல்வியடைந்தது.

இந்திய மகளிர் ஹாக்கி அணி ஐரோப்பிய நாடுகளில் சுற்றுப்பயணம் செய்து விளையாடி வருகிறது. முதல் ஆட்டத்தில் நெதர்லாந்தை சேர்ந்த கிளப் அணியான டென் போஷ் அணியிடம் இந்திய அணி 0-1 என்ற கோல் கணக்கில் தோல்வியடைந்தது. இதையடுத்து பெல்ஜியம் ஜூனியர் ஆடவர் அணியுடம் மோதிய 2-வது ஆட்டத்தை இந்திய மகளிர் அணியினர் 2-2 என்ற கோல் கணக்கில் டிரா செய்தது. இந்நிலையில் நேற்று 3-வது ஆட்டத்தில் இந்திய அணி, டென் போஷ் அணியை எதிர்த்து விளையாடியது. இதில் இந்திய அணி 1-3 என்ற கோல் கணக்கில் தோல்வியடைந்தது. டென் போஷ் அணித்தரப்பில் ஐரின் வான் டென் அஸெம் இரு கோல்களும், இம்கே ஹோக் ஒரு கோலும் அடித்தனர். இந்திய அணித்தரப்பில் நவ்தீப் கவுர் ஒரு கோல் அடித்தார்.