Published : 10 Jun 2014 10:00 AM
Last Updated : 10 Jun 2014 10:00 AM
15-வது உலகக் கோப்பை கால்பந்து போட்டி அமெரிக்காவின் 9 நகரங்களில் 1994 ஜூன் 17 முதல் ஜூலை 17 வரை நடைபெற்றது. இந்த உலகக் கோப்பையின் இறுதியாட்டத்தில் பிரேசிலும், இத்தாலியும் மோதின. போட்டி நேரத்தில் கோல் எதுவும் அடிக்கப்படாத நிலையில் கூடுதல் நேரம் வழங்கப்பட்டது.
அதிலும் கோல் கிடைக்காததைத் தொடர்ந்து வெற்றியைத் தீர்மானிக்க பெனால்டி ஷூட் அவுட் முறை கடைபிடிக்கப்பட்டது. அதில் பிரேசில் 3-2 என்ற கோல் கணக்கில் இத்தாலியைத் தோற்கடித்தது. பெனால்டி ஷூட் அவுட் முறையில் வெற்றி தீர்மானிக்கப்பட்ட முதல் உலகக் கோப்பை இறுதிப்போட்டி இதுதான். இதில் வென்றதன் மூலம் 4 முறை உலகக் கோப்பையை வென்ற முதல் நாடு என்ற பெருமை பிரேசிலுக்கு கிடைத்தது.
இந்த உலகக் கோப்பை போட்டியின் ஒவ்வொரு ஆட்டத்திற்கும் சராசரியாக 69,000 பேர் வந்தனர். ஒட்டுமொத்தமாக 3,587,538 பேர் மைதானத்திற்கு வந்து போட்டியைக் கண்டுகளித்தனர். உலகக் கோப்பை வரலாற்றில் அதிகமான ரசிகர்கள் மைதானத்திற்கு வந்த உலகக் கோப்பை போட்டி இதுதான்.
சிறந்த வீரருக்கான கோல்டன் பால் விருது பிரேசிலின் ரொமேரியோவுக்கும், அதிக கோலடித்தவர்களுக்கான கோல்டன் ஷூ விருது பல்கேரியாவின் ரிஸ்டோ ஸ்டாய்ட்கோ, ரஷியாவின் ஓலேக் சாலென்கோ ஆகியோருக்கும் கிடைத்தன.
1994 உலகக் கோப்பை புள்ளி விவரங்கள்
மொத்த ஆட்டம் - 52
மொத்த கோல் - 141
ஓன் கோல் - 1
மைதானத்திற்கு வந்தவர்களின் மொத்த எண்ணிக்கை - 3,587,538
கோலின்றி முடிந்த ஆட்டம் - 3
டிராவில் முடிந்த ஆட்டம் - 11
டாப் ஸ்கோர்
ரிஸ்டோ ஸ்டாய்ட்கோ - 6 கோல்
ஓலேக் சாலென்கோ - 6 கோல்
ரொமாரியோ (பிரேசில்) - 5 கோல்
ராபர்ட்டோ பேக்கியோ (இத்தாலி) - 5 கோல்
ஜூர்கன் கிளின்ஸ்மான் (ஜெர்மனி) - 5 கோல்
கென்னட் ஆண்டர்சன் (ஸ்வீடன்) - 5 கோல்
ரெட் கார்டு - 15
யெல்லோ கார்டு - 235
Sign up to receive our newsletter in your inbox every day!
WRITE A COMMENT