Published : 22 Jan 2020 08:37 am

Updated : 22 Jan 2020 08:37 am

 

Published : 22 Jan 2020 08:37 AM
Last Updated : 22 Jan 2020 08:37 AM

ஆஸ்திரேலிய ஓபன் டென்னிஸ்: நடால் முன்னேற்றம்; ஷரபோவா தோல்வி

australian-open-tennis

மெல்பர்ன்:

ஆஸ்திரேலிய ஓபன் கிராண்ட் ஸ்லாம் டென்னிஸ் போட்டியின் முதல் சுற்றில் முன்னணி வீராங்கனை மரியா ஷரபோவா தோல்வி கண்டு வெளியேறினார். ஆடவர் முதல் சுற்றுப் போட்டியில் ஸ்பெயின் வீரர் ரபேல் நடால் வெற்றி பெற்று 2-வது சுற்றுக்கு முன்னேறினார்.

ஆண்டின் முதலாவது கிராண்ட்ஸ்லாம் போட்டியான ஆஸ்திரேலிய ஓபன் டென்னிஸ் போட்டிகள் மெல்பர்னில் நடைபெற்று வருகின்றன. நேற்று நடைபெற்ற மகளிர் ஒற்றையர் சுற்றுப் போட்டியில் ரஷ்யாவின் மரியா ஷரபோவாவும், குரோஷியாவின் டோனா வேகிக்கும் மோதினர். இதில் டோனா 6-3, 6-4 என்ற நேர் செட்களில் மரியா ஷரபோவாவை வீழ்த்தினார். தரவரிசையில் மிகவும் பின்தங்யிருந்த மரியா ஷரபோவா, ஆஸ்திரேலிய ஓபனுக்கு நேரடி தகுதி மூலம் முதல் சுற்றில் விளையாடினார். மற்றொரு ஆட்டத்தில் செக். குடியரசின் கரோலினா பிளிஸ்கோவா 6-1, 7-5 என்ற செட் கணக்கில் கிறிஸ்டினா மிளாடெனோவிக்கைச் சாய்த்தார்.


ருமேனியாவின் சிமோனா ஹாலெப் 7-6, 6-1 என்ற செட் கணக்கில் அமெரிக்காவின் ஜெனீபர் பிராடியையும், அமெரிக்காவின் மேடிசன் கீஸ் 6-3, 6-1 என்ற கணக்கில் ரஷ்யாவின் டேரியா கஸாட்கினாவையும் வென்றனர்.

ஆடவர் முதல் சுற்றுப் போட்டியில் ஸ்பெயின் வீரர் ரபேல் நடால் 6-2, 6-3 என்ற நேர் செட்களில் பொலிவியா வீரர் ஹியூகோ டெல்லியைச் சாய்த்தார்.

இதுவரை 19 கிராண்ட்ஸ்லாம் பட்டங்களை வென்றுள்ள ரபேல் நடால், தனது 20-வது கிராண்ட்ஸ்லாம் பட்டத்துக்காக களமிறங்கியுள்ளார்.

முதல் சுற்று ஆட்டங்களில் இத்தாலியின் ஜன்னிக் சின்னர் 7-6 (7/2) 6-2 6-4 என்ற செட் கணக்கில் ஆஸ்திரேலியாவின் மேக் பர்சலை தோற்கடித்தார். மற்றொரு ஆட்டத்தில் ரஷ்யாவின் டேனியல் மெத்வதேவ் 6-3, 4-6, 6-4, 6-2 என்ற செட் கணக்கில் அமெரிக்காவின் பிரான்சஸ் டியாபோவை வீழ்த்தினார்.

ஆஸ்திரியாவின் டோமினிக் தியம் 6-3, 7-5, 6-2 என்ற செட் கணக்கில் பிரான்ஸ் வீரர் மன்னாரினோவையும், ஸ்விட்சர்லாந்தின் ஸ்டானிஸ்லஸ் வாவ்ரிங்கா 7-6, 6-7, 6-4, 6-4 என்ற செட் கணக்கில் போஸ்னியாவின் சும்ஹரையும் தோற்கடித்தனர்.

பிரஜ்னேஷ் தோல்வி: ஆடவர் முதல் சுற்று ஆட்டத்தில் இந்திய வீரர் பிரஜ்னேஷ் குன்னேஸ்வரன் 4-6, 2-6, 5-7 என்ற நேர் செட்களில் ஜப்பான் வீரர் தாத்சுமா இடோவிடம் தோல்வி கண்டு வெளியேறினார்.- பிடிஐ

அன்பு வாசகர்களே....


வரும் ஏப்ரல் 14 வரை வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை



ஆஸ்திரேலிய ஓபன் டென்னிஸ்நடால் முன்னேற்றம்ஷரபோவா தோல்விஆஸ்திரேலிய ஓபன் கிராண்ட் ஸ்லாம்

Sign up to receive our newsletter in your inbox every day!

You May Like

More From This Category

More From this Author