Published : 07 Sep 2019 09:53 am

Updated : 07 Sep 2019 09:53 am

 

Published : 07 Sep 2019 09:53 AM
Last Updated : 07 Sep 2019 09:53 AM

அமெரிக்க ஓபன் டென்னிஸ்: இறுதி சுற்றில் செரீனா, பியான்கா

american-open-tennis

நியூயார்க் 

அமெரிக்க ஓபன் டென்னிஸ் தொடரில் மகளிர் ஒற்றையர் பிரிவு இறுதி சுற்றில் அமெரிக் காவின் செரீனா வில்லியம்ஸ், கனடாவின் பியான்கா ஆண்ட்ரெஸ்கு மோதுகின்றனர்.


அமெரிக்காவின் நியூயார்க் நகரில் நடைபெற்று வரும் இந்தத் தொடரில் மகளிருக்கான ஒற்றையர் பிரிவு அரை இறுதி சுற்றில் 15-ம் நிலை வீராங்கனையான கனடாவின் பியான்கா ஆண்ட்ரெஸ்கு, 13-ம் நிலை வீராங்கனையான சுவிட்சர்லாந்தின் பெலின்டா பென்சிக்கை எதிர்த்து விளையாடினார். 2 மணி நேரம் 12 நிமிடங்கள் நடைபெற்ற இந்த ஆட்டத்தில் பியான்கா ஆண்ட்ரெஸ்கு 7-6 (7-3), 7-5 என்ற நேர் செட் கணக்கில் வெற்றி பெற்று இறுதிப் போட்டிக்கு முன்னேறினார்.

இதன் மூலம் கிராண்ட் ஸ்லாம் போட்டி இறுதி சுற்றில் கால்பதித்த 2-வது கனடா வீராங்கனை என்ற பெருமையை பெற்றார் பியான்கா ஆண்ட்ரெஸ்கு. இதற்கு முன்னர் கடந்த 2014-ம் ஆண்டு விம்பிள்டன் தொடரில் கனடாவைச் சேர்ந்த பவுச்சார்டு இறுதி சுற்றில் கால்பதித்திருந்தார்.

இறுதி சுற்றில் பியான்கா ஆண்ட்ரெஸ்கு 8-ம் நிலை வீராங்கனையும் 23 முறை கிராண்ட் ஸ்லாம் பட்டம் வென்றுள்ளவருமான அமெரிக்காவின் செரீனா வில்லியம்ஸை சந்திக்கிறார். செரீனா வில்லியம்ஸ் தனது அரை இறுதி சுற்றில் 5-ம் நிலை வீராங்கனையான உக்ரைனின் எலினா ஸ்விட்டோலினாவை 6-3, 6-1 என்ற நேர் செட்டில் எளிதாக வீழ்த்தினார்.

அன்பு வாசகர்களே....


வரும் ஏப்ரல் 14 வரை வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை



அமெரிக்க ஓபன் டென்னிஸ்செரீனாபியான்காAmerican open tennis

Sign up to receive our newsletter in your inbox every day!

You May Like

More From This Category

More From this Author