சென்னையில் ஏ.எல்.எம். தடகளப் போட்டி: லயோலோ, எம்.ஓ.பி. சாம்பியன்

சென்னை பல்கலைக்கழகம் சார்பில் நடைபெற்ற ஏ.எல்.முதலியார் (ஏஎல்எம்) தடகளப் போட்டியின் ஆடவர் பிரிவில் சென்னை லயோலா கல்லூரியும், மகளிர் பிரிவில் சென்னை எம்.ஓ.பி. வைஷ்ணவ கல்லூரியும் சாம்பியன் பட்டம் வென்றன.

சென்னை நேரு மைதானத்தில் 3 நாட்கள் நடைபெற்ற இந்தப் போட்டியின் ஆடவர் பிரிவில் லயோலா கல்லூரி அணி 12 தங்கம், 4 வெள்ளி, 5 வெண்கலம் என 21 பதக்கங்களை வென்று சாம்பியன் ஆனது. சென்னை கிறிஸ்தவக் கல்லூரி அணி 4 தங்கம், 10 வெள்ளி, 5 வெண்கலம் என 19 பதக்கங்களுடன் 2-வது இடத்தைப் பிடித்தது.

மகளிர் பிரிவில் எம்.ஓ.பி. வைஷ்ணவ கல்லூரி அணி 14 தங்கம், 9 வெள்ளி, 7 வெண்கலம் என 30 பதக்கங்களுடன் சாம்பியன் ஆனது. எத்திராஜ் கல்லூரி அணி 3 தங்கம், 5 வெள்ளி, 5 வெண்கலம் என 13 பதக்கங்களுடன் 2-வது இடத்தைப் பிடித்தது. மகளிர் பிரிவில் எம்.ஓ.பி. மாணவி ஜி.காயத்ரி 1,067 புள்ளிகளுடன் சிறந்த வீராங்கனையாகவும், ஆடவர் பிரிவில் டி.ஜி.வைஷ்ணவ கல்லூரி மாணவர் மோகன் குமார் 983 புள்ளி களுடன் சிறந்த வீரராகவும் தேர்வு செய்யப்பட்டனர்.