மெஸ்ஸி புதிய சாதனை

லா லிகா என அழைக்கப்படும் ஸ்பெயின் லீக் கால்பந்து போட்டியில் நேற்று முன்தினம் நடைபெற்ற ஆட்டத்தில் பார்சி லோனா அணி 5-1 என்ற கோல் கணக்கில் செவில் அணியைத் தோற்கடித்தது. இதில் பார்சிலோனா வீரர் மெஸ்ஸி ஹாட்ரிக் கோலடித்தார்.

இதன்மூலம் லா லிகா வரலாற்றில் அதிக கோலடித்தவர் (253 கோல்கள்) என்ற புதிய சாதனையை படைத்துள்ளார் ஆர்ஜென்டீனாவைச் சேர்ந்த மெஸ்ஸி. தனது 289-வது ஆட்டத்தில் அவர் இந்த சாதனையை படைத்துள்ளார். முன்னதாக ஸ்பெயினின் டெல்மோ சாரா 251 கோல்களை (278 ஆட்டம்) அடித்ததே சாதனையாக இருந்தது.