Published : 07 Jul 2019 13:11 pm

Updated : 07 Jul 2019 13:14 pm

 

Published : 07 Jul 2019 01:11 PM
Last Updated : 07 Jul 2019 01:14 PM

ஹேப்பி பர்த்டே தோனி: உலக அதிசயங்களில் தோனி பிறந்தநாள்: ஐசிசி, சேவாக், பிசிசிஐ, தவண் புகழாரம்

இந்திய அணியின் முன்னாள் கேப்டன் மகேந்திர சிங் தோனிக்கு இன்று 38-வது பிறந்தநாள் என்பதால், கிரிக்கெட் வீரர்கள், பிசிசிஐ வாரியம் ஆகியோர் வாழ்த்துக்களை தெரிவித்துள்ளனர்.

இந்திய அணியின் வெற்றிகரமான கேப்டனாக வலம்வந்தவர் தோனி. இந்திய அணிக்காக 2007-ம் ஆண்டு டி20 உலகக் கோப்பையையும், 2011-ம் ஆண்டு உலகக்கோப்பையையும் வென்று கொடுத்த பெருமைக்குரியவர் தோனி.


தோனிக்கு இன்று தனது 38-வது பிறந்தநாள் கொண்டாடுவதையடுத்து, அவருக்கு அவரின் ரசிகர்கள், சக கிரிக்கெட் வீரர்கள், பிசிசிஐ வாரியம் ஆகியோர் வாழ்த்துக்களை தெரிவித்துள்ளனர்.

பிசிசிஐ வெளியிட்ட ட்விட்டர் செய்தியில் " நான் உலகக் கோப்பைகள், நான்கு விதமான தோற்றம், எதை நீங்கள் விரும்புகிறார்கள். தோனிக்கு பிறந்தநாள் வாழ்த்துக்கள் " எனத் தெரிவித்துள்ளது.

ஐசிசி வெளியிட்ட ட்விட்டர் செய்தியில் " ஒரு மனிதர் கோடிக்கணக்கான பாராட்டுகள், வாழ்க்கை முழுவதும் நினைவுகள், தோனிக்கு பிறந்தநாள் வாழ்த்துகள் " எனத் தெரிவித்துள்ளார்.

முன்னாள் வீரர் சேவாக் ட்விட்டரில் கூறுகையில் " உலகில் 7 கண்டங்கள், இசையில் 7 அடிப்படை ஸ்வரங்கள், உடலில் 7 சக்கரங்கள், வாரத்தில் 7 நாட்கள், திருமணத்தில் 7 கட்டங்கள், உலகில் 7 அதியசங்கள், 7-வது மாதம், 7-ம் தேதி இன்றும் கிரிக்கெட் உலகில் அதிசயம்தான். பிறந்தநாள் வாழ்த்துகள் தோனி, கடவுள் ஆசிர்வதிக்கட்டும்" எனத் தெரிவித்துள்ளார்.

முன்னாள் வீரர் முகமது கைப் ட்விட்டரில் கூறுகையில், " கடந்த 2004-ம் ஆண்டு இருவரும் முதலில் ஒன்றாக விளையாடினோம். விசாகப்பட்டிணத்தில் பாகிஸ்தானுக்கு எதிராக தோனி அடித்த 148 ரன்கள் திரும்பிபார்க்க வைத்தது. தோனிக்கு எனது பிறந்தநாள் வாழ்த்துக்கள்" எனத் தெரிவித்துள்ளார்.

ஆல்ரவுண்டர் கேதார் ஜாதவ் ட்விட்டரில் கூறுகையில், " மகி பாய்க்கு என்னுடைய பிறந்தநாள் வாழ்த்துக்கள். என்னுடைய அன்பை விவரிக்க வார்த்தைகள் இல்லை. உங்கள் வாழ்க்கையில் அனைத்து விதமான வெற்றிகளையும், மகிழ்ச்சிசயையும் பெற வாழ்த்துகிறேன் கடவுள் ஆசிர்வதிப்பாராக " எனத் தெரிவித்துள்ளார்.

முன்னாள் வீரர் வி.வி.எஸ். லட்சுமண் ட்விட்டரில் கூறுகையில், " வாழ்க்கையில் அனைத்து நலன்களையும், அன்பையும், வெற்றியையும் பெற தோனி பெற வாழ்த்துகிறேன். பிறந்தநாள் வாழ்த்துக்கள் தோனி " எனத் தெரிவித்துள்ளார்.

ஷிகர் தவண் ட்விட்டரில் கூறுகையில், " தனக்கென கிரிக்கெட் அடையாளத்தை உருவாக்கிய தோனிக்கு இனிய பிறந்தநாள் வாழ்த்துக்கள் " எனத் தெரிவித்துள்ளார்.

ஹர்திக் பாண்டியா இன்ஸ்டாகிராமில் பதிவிட்ட கருத்தில், " மகி பாய்க்கு(தோனி அண்ணன்) என்னுடைய பிறந்தநாள் வாழ்த்துக்கள். உங்களுடன் இருக்கும் ஒவ்வொரு நாளும் எனக்கு கற்றுக்கொள்ள அதிகமான வாய்ப்பு கிடைக்கிறது. என்னுடைய வாழ்க்கையில் மிகப்பெரிய முன்மாதிரி" எனத் தெரிவித்துள்ளார்.

ரிஷப் பந்த் இன்ஸ்டாகிராமில் பதிவிட்ட கருத்தில், " தோனிக்கு என்னுடைய பிறந்தநாள் வாழ்த்துக்கள். எனக்கு நண்பராகவும்,ஆசிரியராகவும் இருக்கிறார்கள். வாழ்க்கையில் வெற்றி பெற வாழ்த்துக்கள் " எனத் தெரிவித்தார்.


உலகக்கோப்பை 2019தோனியின் பிறந்தநாள் கிரிக்கெட் வீரர்கள் வாழ்த்து ஐசிசி வாழ்த்து பிசிசிஐ வாழ்த்து

Sign up to receive our newsletter in your inbox every day!

You May Like

More From This Category

More From this Author