Published : 07 Jul 2017 10:25 am

Updated : 07 Jul 2017 10:25 am

 

Published : 07 Jul 2017 10:25 AM
Last Updated : 07 Jul 2017 10:25 AM

பெட்ரா விட்டோவா அதிர்ச்சி தோல்வி

விம்பிள்டன் டென்னிஸ் மகளிர் ஒற்றையர் பிரிவு முதல் சுற்று ஆட்டத்தில், இருமுறை சாம்பியனான செக் குடியரசின் பெட்ரா விட்டோவா அதிர்ச்சி தோல்வியடைந்தார்.

11-ம் நிலை வீராங்கனையான பெட்ரா விட்டோவா, 95-ம் நிலை வீராங்கனையான அமெரிக்காவின் மேடிசன் பிரங்கிளை எதிர்த்து விளையாடினார். இதில் விட்டோவா 3-6, 6-1, 2-6 என்ற செட் கணக்கில் தோல்வியடைந்தார்.


கடந்த சில மாதங்களுக்கு முன்பு கொள்ளைக்காரன் ஒருவனிடம் கத்திக்குத்து பட்டு கையில் தீவிர காயம் அடைந்த விட்டோ, அதில் இருந்து குணமடைந்த நிலையில் விம்பிள்டன் போட்டியில் பங்கேற்றார். போட்டியின் போது திடீரென அவருக்கு மூச்சு விடுவதில் பிரச்சினை ஏற்பட்டது. இதையடுத்து உடனடியாக முதலுதவி பெற்ற பின்னர் மீண்டும் விளையாடினார்.

விட்டோவா கூறும்போது, "திடீரென மூச்சுவிட சிரமமாக இருந்தது. உடல் நிலை சரியில்லாதது போல் உணர்ந்தேன். அந்த சமயத்தில் சோர்வடைந்த விலங்கு போன்று காணப்பட்டேன்" என்றார்.

-----------------------------------------------------

நெடுஞ்செழியன் ஜோடி தோல்வி

கிராண்ட் ஸ்லாம் போட்டிகளில் முதன்முறையாக களமிறங்கிய இந்தியாவின் ஜீவன் நெடுஞ் செழியன் இரட்டையர் பிரிவு முதல் சுற்றில் போராடி தோல்வியடைந்தார்.

விம்பிள்டன் டென்னிஸ் இரட்டையர் பிரிவில் அவர், அமெரிக்காவின் ஜாரெட் டொனால்டுசனுடன் இணைந்து விளையாடினார். இந்த ஜோடி தனது முதல் சுற்றில் இங்கிலாந்தின் மார்க்கஸ் வில்லிஸ், ஜே கிளார்க் ஜோடியை எதிர்த்து விளையாடியது. இந்த ஆட்டத்தில் ஜீவன் நெடுஞ்செழியன் ஜோடி 7-6 (4), 7-5, 6-7(3) 0-6, 3-6 என்ற செட்கணக்கில் தோல்வியடைந்தது.

இந்த ஆட்டம் குறித்து ஜீவன் நெடுஞ்செழியன் கூறும்போது, “3-வது செட்டில் 6-5 என நாங்கள் நெருங்கிய நிலையில் டை பிரேக் கரில் எங்களை விட அவர்கள் சிறப்பாக செயல்பட்டனர். 5-வது செட்டிலும் அவர்கள் வலுவாக விளையாடினார்கள், இந்த வெற்றிக்கு அவர்கள் தகுதியான வர்கள்” என்றார்.

--------------------------

சானியா, பூரவ் ராஜா ஜோடிகள் வெற்றி

விம்பிள்டன் டென்னிஸ் ஆடவர் இரட்டையர் பிரிவில் இந்தியாவின் பூரவ் ராஜா, திவிஜ் சரண் ஜோடி 2-வது சுற்றுக்கு முன்னேறியது. இதேபோல் சானியா, கிர்ஸ்டன் பிளிப்கென்ஸ் ஜோடியும் முதல் சுற்றில் வெற்றி பெற்றது.

பூரவ் ராஜா, திவிஜ் சரண் ஜோடி தங்களது முதல் சுற்றில் இங்கிலாந்தின் எட்மண்ட், போர்ச்சுகலின் ஜோயோ சோவுஸா ஜோடியை எதிர்த்து விளையாடியது. 3 மணி நேரம் நடைபெற்ற இந்த ஆட்டத்தில் பூரவ் ராஜா ஜோடி 7-6 (7-2), 3-6, 6-4, 7-6 (8-6) என்ற செட் கணக்கில் கடுமையாக போராடி வெற்றி பெற்றது.

மகளிர் இரட்டையர் பிரிவு முதல் சுற்றில் இந்தியாவின் சானியா மிர்சா, பெல்ஜியத்தின் கிர்ஸ்டன் பிளிப்கென்ஸ் ஜோடி 6-4, 6-3 என்ற நேர் செட்டில் எளிதாக ஜப்பானின் நவோமி ஒஸாகா, சீனாவின் ஷாய் ஹெங் ஜோடியை வீழ்த்தியது. இந்த ஆட்டம் ஒரு மணி நேரம் 12 நிமிடங்களில் முடிவடைந்தது.


விம்பிள்டன் டென்னிஸ்மகளிர் ஒற்றையர் பிரிவுசெக் குடியரசுபெட்ரா விட்டோவாஅதிர்ச்சி

Sign up to receive our newsletter in your inbox every day!

More From This Category

More From this Author

x