விளையாட்டுச் செய்தித் துளிகள்...

# அமெரிக்காவின் இன்டியன் வெல்ஸ் நகரில் நடைபெற்று வரும் இன்டியன்வெல்ஸ் ஓபன் டென்னிஸ் போட்டியில் இந்தியாவின் லியாண்டர் பயஸ்-செக்.குடியரசின் ரடேக் ஸ்டெபானெக் ஜோடி காலிறுதிக்கு முன்னேறியது. காலிறுதிக்கு முந்தைய சுற்றில் 7-6 (6), 3-6, 10-5 என்ற செட் கணக்கில் போலந்தின் ஜெர்ஸி ஜானோவிச்-ஜெர்மனியின் பிலிப் கோல்ஸ்கிரைபரை தோற்கடித்த பயஸ் ஜோடி, அடுத்ததாக இஸ்ரேலின் ஜொனாதன் எர்லிச்-பிரான்ஸின் ரிச்சர்ட் காஸ்கட் ஜோடியை சந்திக்கிறது.

# 7-வது ஐபிஎல் கிரிக்கெட் போட்டியில் விளையாடவுள்ள ராஜஸ்தான் ராயல்ஸ் அணிக்கு ஆஸ்திரேலிய ஆல்ரவுண்டர் ஷேன் வாட்சன் கேப்டனாக நியமிக்கப்பட்டுள்ளார். கடந்த ஐபிஎல் போட்டியில் அந்த அணியின் கேப்டனாக இருந்த ராகுல் திராவிட், ஆலோசகராக நியமிக்கப்பட்டிருக்கிறார்.

# மேற்கிந்தியத் தீவுகளின் பர்படாஸில் நடைபெற்ற முதலா வது டி20 கிரிக்கெட் போட்டியில் மேற்கிந்தியத் தீவுகள் அணி 27 ரன்கள் வித்தியாசத்தில் இங்கிலாந்தைத் தோற் கடித்தது. மே.இ.தீவுகள் வீரர் சாமு வேல்ஸ் 46 பந்துகளில் 1 சிக்ஸர், 10 பவுண்டரிகளுடன் ஆட்டமிழக்காமல் 69 ரன்கள் குவித்து ஆட்டநாயகன் விருதைத் தட்டிச் சென்றார்.

# இன்டியன்வெல்ஸ் டென்னிஸ் போட்டியின் ஒற்றையர் போட்டி யில் உலகின் 5-ம் நிலை வீரரான தாமஸ் பெர்டிச் 6-4, 2-6, 4-6 என்ற செட் கணக்கில் ஸ்பெயினின் பெளதிஸ்டா அகட்டிடம் தோல்வி கண்டார்.

# 2014 உலகக் கோப்பை கால் பந்து போட்டியை நடத்துவது பிரேசிலுக்கு கிடைத்த மிகப் பெரிய வாய்ப்பு. இந்தப் போட்டி மறக்க முடியாத ஒன்றாக இருக்கும் என நம்புகிறேன் என்று பிரேசில் முன்னாள் கால்பந்து வீரர் பீலே தெரிவித்துள்ளார்.