Published : 16 Aug 2014 12:00 AM
Last Updated : 16 Aug 2014 12:00 AM
அன்னபிரகதா டிராபிக்கான 16-வது மாநில அளவிலான 25 வயதுக்குட்பட்டோருக்கான ஓபன் செஸ் சாம்பியன்ஷிப் மற்றும் நிவார்த்தி டிராபிக்கான 13-வது மகளிர் செஸ் சாம்பியன்ஷிப் போட்டிகள் வரும் 20-ம் தேதி முதல் 24-ம் தேதி வரை நடைபெறவுள்ளன.
தமிழ்நாடு மாநில செஸ் சங்கம் சார்பில் சென்னை ஜவாஹர்லால் நேரு மைதானத்தில் நடைபெறவுள்ள இந்தப் போட்டிக்கான மொத்த பரிசுத் தொகை ரூ.20,400 ஆகும். தமிழ்நாடு செஸ் சங்கத்தில் பதிவு (2014-15) செய்த 1.1.1989 அன்றோ அல்லது அதற்கு பின்னரோ பிறந்தவர்கள் இந்தப் போட்டியில் பங்கேற்க தகுதியுடையவர்கள். இந்தப் போட்டிக்கு முன்பதிவு செய்ய வரும் 18-ம் தேதி கடைசி நாளாகும்.
இதுதொடர்பான மேலும் விவரங்களுக்கு தமிழ்நாடு மாநில செஸ் சங்கம், 75, ஜவாஹர்லால் நேரு மைதானம், பெரியமேடு, சென்னை-600003 என்ற முகவரியில் தொடர்பு கொள்ளலாம். இதேபோல் 044-25384477 என்ற எண்ணிலும், tnchesstmt@gmail.com என்ற இணையதள முகவரியிலும் தொடர்பு கொள்ளலாம்.
மேற்கண்ட தகவல் தமிழ்நாடு மாநில செஸ் சங்க பொதுச்செயலர் வி.ஹரிஹரன் வெளியிட்டுள்ள அறிக்கையில் தெரிவிக்கப்பட்டுள்ளது.
Sign up to receive our newsletter in your inbox every day!
WRITE A COMMENT