2011 உலகக்கோப்பை வென்ற இதே நாளில் தோனிக்கு பத்மபூஷண் விருது: ரசிகர்கள் நெகிழ்ச்சி

2011 உலகக்கோப்பையை தோனி படை வென்ற இதே நாளில் மகேந்திர சிங் தோனிக்கு இன்று பத்மபூஷண் விருது அளித்து கவுரப்படுத்தியுள்ளனர்.

இது தற்செயலா அல்லது திட்டமிட்டு அவ்வாறு வழங்கப்பட்டதா என்பது தெரியவில்லை. ஆம். இன்று ஏப்ரல் 2-ம் தேதி, 28 ஆண்டுகளுக்குப் பிறகு 2011-ல் இதே நாளில் தோனி, நுவன் குலசேகராவை சிக்ஸ் அடித்து கோப்பையை வெல்ல பங்களிப்பு செய்தார்.

இதே தினத்தில்தான் குடியரசுத் தலைவர் ராம்நாத் கோவிந்த் கோப்பை நாயகனுக்கு பத்மபூஷன் விருது வழங்கினார்.

ராணுவ உடையில் மிடுக்குடன் வந்த தோனி விருதைக் குடியரசுத்தலைவரிடமிருந்து பெற்றார்.