Published : 26 Feb 2020 15:05 pm

Updated : 26 Feb 2020 15:07 pm

 

Published : 26 Feb 2020 03:05 PM
Last Updated : 26 Feb 2020 03:07 PM

நாவூற வைக்கும் ‘ஹனி சிக்கன்’ செய்வது எப்படி?  

honey-chicken-recipe

அசைவப் பிரியர்களுக்கு சிக்கன் என்றாலே அலாதிப் பிரியம். அது எந்த முறையில் சமைக்கப்பட்டிருந்தாலும் சரி. உலகில் அனைத்து நாடுகளின் உணவுப் பட்டியலிலும் சிக்கன் இன்றியமையாத உணவாகத் திகழ்கிறது. அந்த வகையில் நாவில் எச்சில் ஊறவைக்கும் ‘ஹனி சிக்கன்’ செய்யும் முறையை இப்போது பார்க்கலாம்.

தேவையான பொருட்கள்:

* சிக்கன் விங்ஸ் - 300 கிராம்
* சோள மாவு - அரை கப்
* மிளகாய்த் தூள் - 1 தேக்கரண்டி
* தேன் - 4 தேக்கரண்டி
* மிளகுத் தூள் - 1 தேக்கரண்டி
* இஞ்சி பூண்டு அரைத்தது - 1 தேக்கரண்டி
* பார்பிக்யூ சாஸ் - அரை கப்
* உப்பு - தேவையான அளவு
* எண்ணெய் - தேவையான அளவு

செய்முறை:

சுத்தம் செய்யப்பட்ட சிக்கனை ( விங்ஸ்) ஒரு பாத்திரத்தில் எடுத்துக் கொள்ள வேண்டும். அதில் அரைத்த இஞ்சி பூண்டு, உப்பு சேர்த்து நன்கு கிளரி சிறிது ஊற வைக்க வேண்டும்.

மற்றொரு பாத்திரத்தில் சோள மாவு, மிளகுத் தூள், மிளகாய்த் தூள், உப்பு ஆகியவற்றை ஒன்றாகச் சேர்த்து கலக்க வேண்டும். பின்னர் ஒரு கடாயை அடுப்பில் வைத்து எண்ணெயை ஊற்ற வேண்டும். அதன் பிறகு ஊற வைத்த சிக்கனை எடுத்து சோளமாவு கலவையில் தோய்த்து எண்ணெயில் பொறிக்க வேண்டும்.

ஒரு புதிய பாத்திரத்தில் சிறிது அளவு எண்ணெயை ஊற்றி அதில் பார்பிக்யூ சாஸ் மற்றும் தேனை ஊற்றி நன்கு கலக்க வேண்டும். 2 நிமிடம் கலக்கிய பிறகு அடுப்பை சிம்மில் வைத்து பொரிக்கப் பட்ட சிக்கனை எடுத்து அடுப்பில் இருக்கும் பார்பிக்யூ சாஸ் மற்றும் தேன் கலவையில் கொட்டி வதக்க வேண்டும். அடுப்பை அணைத்து தட்டில் பரிமாறினால் சுவையான ‘ஹனி சிக்கன்’ ரெடி.

அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

தவறவிடாதீர்!

Honey ChickenHoney Chicken Recipeஹனி சிக்கன்சிக்கன்பார்பிக்யூ சாஸ்

Sign up to receive our newsletter in your inbox every day!

You May Like

More From This Category

More From this Author