போஸ் வெங்கட், காயத்ரி முதன்மை பாத்திரங்களில் நடித்துள்ள வெப் தொடர், ‘பிரதர்ஸ் அண்ட் சிஸ்டர்ஸ்’. ராஜ் அய்யப்பா, நிகிலா சங்கர், லூதுஃப், கிஷோர், ஷ்ரவ்னிதா, புரமோதினி உள்ளிட்ட பலர் நடித்துள்ளனர்.
‘உப்பு புளி காரம்’ வெப் தொடரைத் தயாரித்தக் குழு இதையும் தயாரித்துள்ளது. இதை ‘உப்பு புளி காரம்’, ‘போலீஸ் போலீஸ்’ போன்ற தொடர்களை இயக்கிய சிதம்பரம் மணிவண்ணன் இயக்கியுள்ளார். நகைச்சுவை, உணர்வுப் பூர்வமான தருணங்கள் மற்றும் அன்றாட வாழ்க்கையின் நெருக்கத்தை இணைக்கும் இக்கதை, 4 உடன் பிறந்தவர்களின் உறவுகளை மையமாகக் கொண்டுள்ளது.
போஸ் வெங்கட், ஜவுளிக் கடையை நிர்வகிக்கும் கண்டிப்பான, பாரம்பரியமிக்க தந்தையாகவும், குடும்பத்தை வழி நடத்தும் மென்மையான சுபாவம் கொண்ட இல்லத்தரசியாக காயத்ரியும் தோன்றுகின்றனர். பாசம், நகைச்சுவை, விறுவிறுப்பான நாடகத் தன்மையின் சிறப்பான கலவையாக இத்தொடர் இருக்கும். பார்வையாளர்கள் தங்களை எளிதில் தொடர்புப்படுத்திக் கொள்ளக் கூடிய கதையம்சத்துடன் உருவாகியுள்ள இத்தொடர் மே மாதம் வெளியாக இருக்கிறது.
