பிரெக்ஸிட்டால் பிரிந்துகிடக்கும் பிரிட்டன்!

பேரணியில் பேசிய கிரீன் கட்சித் தலைவர் கரோலின் லூகாஸ், “பிரிட்டன் வெளியேற வேண்டும் என்று வலி யுறுத்தியவர்கள் சார்பில் முன்வைக்கப்பட்ட பல வாக்குறுதிகள் நிறைவேற்றப்படவில்லை” என்று சுட்டிக்காட்டினார். “தேசிய சுகாதார சேவைக்காக ஒவ்வொரு வாரமும் சுமார் ரூ.3,000 கோடி வழங்கப்படும் என்பன உள்ளிட்ட வாக்குறுதிகள் என்னவாயின என்று கேள்வி எழுப்பினார். வாக்கெடுப்பின்போது, வடக்கு அயர்லாந்து தொடர்பான பிரச்சினைகள் பற்றி பலருக்குத் தெரிந்திருக்கவில்லை என்றும் பொதுக்கூட்டத்தில் பேசியவர்கள் குறிப்பிட்டார்கள். “இது முடிவுசெய்ய வேண்டிய தருணம். கட்டுப்பாட்டை மீண்டும் எடுத்துக்கொள்ள வேண்டிய தருணம்” என்று முழங்கினார் கினா மில்லர். இவர், பிரெக்ஸிட் விஷயத்தில் நாடாளுமன்றத்துக்கு உள்ள பொறுப்பு தொடர்பாக உச்ச நீதிமன்றத்தில் வழக்கு தொடர்ந்தவர்.

பிரெக்ஸிட் வாக்கெடுப்பு மிகச் சிறிய வித்தியாசத்தில் வெற்றிபெற்றது. வெளியேறுவதற்கு ஆதரவாக 51.9% பேரும், எதிராக 48.1% பேரும் வாக்களித்தனர். குறிப்பாக, பிரிட்டனில் சமீபகாலங்களில் நடந்த பொதுத் தேர்தல் களைவிட, பிரெக்ஸிட்டில் அதிகமாக வாக்குகள் பதிவாகியிருந்தன. கடந்த 10 ஆண்டுகளில் நடந்த தேர்தல்களில் 61% முதல் 69% வரை பதிவான நிலையில், பிரெக்ஸிட்டில் 72.2% பேர் வாக்களித்திருந்தனர்.