எண்பதுகளில் எடுக்கப்பட்ட ரஜினிகாந்தின் படத்தை அட்டைப் படமாக வைத்து அவர் திரைத்துறைக்கு வந்து 50 ஆண்டுகள் ஆனதைக் கொண்டாடியிருக்கிறது விகடன் தீபாவளி மலர்.
ரஜினிக்கு 50 என்பதைப் போல நூற்றாண்டு கண்ட ஆளுமைகள் கவிஞர் கண்ணதாசன், எழுத்தாளர்கள் மஹாஸ்வேதா தேவி, தமிழ்வாணன், கியூப முன்னாள் அதிபர் ஃபிடல் காஸ்ட்ரோ ஆகியோரைப் பற்றிய கட்டுரைகளையும் தொகுத்து அளித்திருக்கிறார்கள்.
சிறுகதைகள், கவிதைகள், ஆன்மிக – பயணக் கட்டுரைகள் போன்றவை வாசிப்புக்கு இனிமை சேர்க்கின்றன. மதுரை திருப்பரங்குன்றத்துக்கு அருகே உள்ள விளாச்சேரி கிராமத்தில் யானையின் சாணத்தால் சிலைகள் செய்பவர்களைப் பற்றிய கட்டுரை சிறப்பு. சுற்றுலா, ஜென் ஸீ கலாட்டா, நகைச்சுவை போன்றவையும் கவனம் ஈர்க்கின்றன.
பக்கங்கள்: 400
விலை: ரூ.200
