இந்தியாவில் பல கார்கள் இருந்தபோதிலும், அவை நடுத்தர மக்களுக்கு எட்டாக் கனியாக இருந்தன. அத்தகைய மக்களின் கார் கனவை நனவாக்க வேண்டும் என்பதற்காக முன்னாள் பிரதமர் இந்திரா காந்தியின் இளைய மகன் சஞ்சய் காந்தி மாருதி என்ற நிறுவனத்தைத் தொடங்கினார்.
இதற்காக அவர் பல முயற்சிகளை மேற்கொண்ட போதிலும், பல தடைகள் ஏற்பட்டன. எதிர்பாராத விதமாக அவர் உயிரிழந்த நிலையில், மத்திய அரசு தலையிட்டு மாருதி நிறுவனத்தைத் தனது கட்டுப்பாட்டில் கொண்டுவந்தது.
பின்னர் ஜப்பானின் சுசூகி நிறுவனத்துடன் கூட்டு சேர்ந்து 1983ஆம் ஆண்டு மாருதி 800 என்ற கார் அறிமுகம் செய்யப்பட்டது. இன்று மாருதி பல மாற்றங்களுக்கு உட்பட்டு நாட்டின் முன்னணி கார் உற்பத்தியாளராக உயர்ந்து நிற்கிறது.
தொடக்கம் முதல் இன்று வரையில் இந்நிறுவனத்தின் தலைவராகப் பதவி வகித்து வரும் ஆர்.சி.பார்கவா, மாருதியின் கதை என்ற நூலை ஆங்கிலத்தில் எழுதி உள்ளார்.
இதனை சுப.மீனாட்சி சுந்தரம் நேர்த்தியான முறையில் தமிழில் மொழி பெயர்த்துள்ளார். ஒரு நிறுவனத்தின் வெற்றிக்குப் பின்னால் இருக்கும் கார்ப்பரேட் வியூகங்கள், அரசியல் சவால்கள் மற்றும் நிர்வாகச் சீர்திருத்தங்களை விறுவிறுப்பான கதைப்போக்கில் விவரிக்கிறது இப்படைப்பு.
வெறும் புள்ளிவிவரங்களாக இல்லாமல், சுவாரசியமான நாவலைப் படிக்கும் அனுபவத்தைத் தருகிறது இதன் தமிழ் வடிவம். வணிக உலகைச் சேர்ந்தவர்கள், தொழில் முனைவோர் மற்றும் பொருளாதார வரலாற்றில் ஆர்வம் உள்ள அனைவரும் கட்டாயம் வாசிக்க வேண்டிய நூல் இது. வணிக மேலாண்மை மற்றும் விடாமுயற்சியின் பாடங்களை அறிய விரும்பும் வாசகர்களுக்கு இந்நூல் சிறந்ததொரு வழிகாட்டியாக அமையும்.
மாருதியின் கதை
ஆர்.சி.பார்கவா, சீதா
தமிழில்: சுப.மீனாட்சி சுந்த்ரம்
அருட்செல்வர் மகாலிங்கம் மொழிபெயர்ப்பு மையம்
விலை: ரூ.500
தொடர்புக்கு: 99761 44451
