‘ஒவ்வொரு சமூகப் பிரிவினருக்கும் பிரத்தியேக குணம் உண்டு. இன்னாருக்கு இந்தத் தொழில்தான் கைவரப்பெறும் என்பது பிறப்பிலேயே தீர்மானிக்கப்படுகிறது; நகர வாசிகள் நாகரிகமானவர்கள், பழங்குடியினரோ வன்முறையாளர்கள்; காட்டுமிராண்டிகள்’ - இதுபோன்று பொதுப் புத்தியில் கருத்துகள் நிலவுகிறது.
இவ்வாறு நெடுங்காலமாக நிலவும் ஒருதலைப்பட்சமான பொதுப்புத்தி கருத்துகளைக் களைவதன் வழியாகத்தான் பலவிதமான சிந்தனைப்போக்குகளை, பலதரப்பட்ட வாழ்க்கைமுறைகளை வெறுப்பின்றி ஏற்கும் மனப்பக்குவம் வாய்க்கும்.
இத்தகுப் பார்வையை அரசியல், பண்பாடு, சமூகம், அகழாய்வு, வரலாறு முதலான பல்வேறு புலங்கள் சார்ந்த பகுப்பாய்வின் ஊடாகக் கடத்துகிறது, பேராசிரியர் சு.இராமசுப்பிரமணியனின் ‘பன்மைத்துவம்’ புத்தகம்.