லக்னோ: உத்தர பிரதேசத்தை சேர்ந்த ஐஏஎஸ் அதிகாரியான திவ்யா மிட்டல் கடந்த ஆகஸ்ட் மாதம் தனது பதவியை ராஜினாமா செய்தார். பின்னர், ‘ஜன் நீதி பாரத்’ என்கிற புதிய கட்சியை தொடங்கினார்.
இந்நிலையில், மிர்சாபூரில் நேற்று மக்களிடையே உரையாற்றிய திவ்யா மிட்டல், “2027-ல் நடைபெறும் உத்தர பிரதேச சட்டப் பேரவை தேர்தலில் அனைத்து (403) இடங்களிலும் ஜன் நீதி பாரத் தனித்து போட்டியிடும். அதற்கு உங்கள் ஆதரவு தேவை.
உ.பி.யில் உள்ள அனைத்து 403 தொகுதிகளிலும் வேட்பாளர்களை நிறுத்துவோம். தற்போதுள்ள ஏற்பாட்டில் சட்டப்பேரவை உறுப்பினர்கள் பெரும்பாலும் அரசுக்கும் பொதுமக்களுக்கும் இடையே இடைத்தரகர்களாகச் செயல்பட்டு வந்தனர். ஆனால், அதற்கு மாறாக, ஜன் நீதி பாரத் பிரதிநிதிகள் குடிமக்களுக்குப் பொறுப்புடையவர்களாக இருப்பார்கள்.
அரசியல் கட்சிகள் ஒன்றுக்கொன்று போட்டியிடுவது போல் தோன்றலாம், ஆனால் முடிவெடுக்கும் அதிகாரத்தை சாதாரண மக்களின் கைகளில் இருந்து விலக்கி வைப்பதில் அவை உடன்படுகின்றன” என்றார்.
