Published : 26 Feb 2021 18:17 pm

Updated : 26 Feb 2021 22:44 pm

 

Published : 26 Feb 2021 06:17 PM
Last Updated : 26 Feb 2021 10:44 PM

5 மாநில சட்டப்பேரவைத் தேர்தல்: எத்தனை கட்டங்கள்?- தேதி குறித்த முழு விவரம்

five-assembly-polls-to-begin-mar-27-west-bengal-to-have-max-8-phases-counting-of-votes-on-may-2
கோப்புப்படம்

புதுடெல்லி,

5 மாநிலங்களில் நடைபெற உள்ள சட்டப்பேரவைத் தேர்தல் தேதிகளை தேர்தல் ஆணையம் இன்று அறிவித்துள்ளது. இதில் அதிகபட்சமாக மேற்கு வங்க மாநிலத்துக்கு 8 கட்டங்களாகவும், அசாம் மாநிலத்துக்கு 3 கட்டங்களாகவும் தேர்தல் நடைபெற உள்ளது. வாக்கு எண்ணிக்கை மே 2-ம் தேதி நடைபெற உள்ளது.

இது குறித்து தேர்தல் ஆணையம் இன்று வெளியிட்டுள்ள அறிவிப்பில் கூறப்பட்டுள்ளதாவது:


''அசாம் மாநிலத்தில் உள்ள 126 தொகுதிகளுக்கு 3 கட்டங்களாகத் தேர்தல் நடைபெறும். மார்ச் 27-ம் தேதி முதல்கட்டத் தேர்தல். ஏப்ரல் 1-ம் தேதி 2-ம் கட்டம், 6-ம் தேதி 3-ம் கட்டத் தேர்தல் நடைபெறும். வாக்கு எண்ணிக்கை மே 2-ம் தேதி நடைபெற உள்ளது.

அசாம் மாநிலம்

முதல் கட்டத் தேர்தல்: மார்ச் 27

2-ம் கட்டத் தேர்தல்: ஏப்ரல் 1

3-ம் கட்டத் தேர்தல்: ஏப்ரல் 6

வாக்கு எண்ணிக்கை : மே 2

கேரளாவில் ஏப்ரல் 6-ம் தேதி ஒரே கட்டமாகத் தேர்தல் நடைபெறும். மலப்புரம் மக்களவை இடைத்தேர்தலும் ஏப்ரல் 6-ம் தேதி நடைபெறும்.

கேரளாவில் சட்டப்பேரவைக் காலம் ஜூன் 1-ம் தேதி முடிகிறது. இங்குள்ள 140 தொகுதிகளில் எஸ்.சி. பிரிவினருக்கு 14 தொகுதிகளும், பழங்குடியினருக்கு 2 தொகுதிகளும் ஒதுக்கப்பட்டுள்ளன. தமிழகம் மற்றும் புதுச்சேரியில் ஏப்ரல் 6-ம் தேதி ஒரே கட்டமாகத் தேர்தல் நடைபெறும். வாக்கு எண்ணிக்கை மே 2-ம் தேதி நடைபெறும்

தமிழகம், கேரளம், புதுச்சேரி ஒரே கட்டத்தில் தேர்தல்

தமிழகம்- ஏப்ரல் 6-ம் தேதி

கேரளா- ஏப்ரல் 6-ம் தேதி (மலப்புரம் மக்களவை இடைத்தேர்தல்)

புதுச்சேரி- ஏப்ரல் 6-ம் தேதி தேர்தல்

வாக்கு எண்ணிக்கை மே-2

மேற்கு வங்கத்தில் சட்டப்பேரவைக் காலம் மே 30-ம் தேதியுடன் முடிகிறது. இங்கு 294 தொகுதிகள் உள்ளன. இதில் எஸ்.சி. பிரிவினருக்கு 68 தொகுதிகளும், பழங்குடியினருக்கு 16 தொகுதிகள் ஒதுக்கப்பட்டுள்ளன.

மேற்கு வங்கத்தில் உள்ள 294 தொகுதிகளுக்கும் 8 கட்டங்களாகத் தேர்தல் நடைபெற உள்ளது. முதல் கட்டத் தேர்தல் மார்ச் 27-ம்தேதியும், 2-வது கட்டம் ஏப்ரல் 1-ம் தேதியும் நடைபெற உள்ளது. 3-வது கட்டம் ஏப்ரல் 6-ம் தேதியும், 4-வது கட்டம் ஏப்ரல் 10-ம் தேதியும், 5-வது கட்டம் ஏப்ரல் 17-ம் தேதியும் நடைபெறும். 6-வது கட்டம் ஏப்ரல் 22-ம் தேதியும், 7-ம் கட்டம் ஏப்ரல் 26-ம் தேதியும், 8-வது மற்றும் இறுதிக்கட்டத் தேர்தல் ஏப்ரல் 29-ம் தேதியும் நடைபெற உள்ளது.

மேற்கு வங்கம் (8 கட்டங்கள்)

முதல்கட்டத் தேர்தல்- மார்ச் 27

2-ம் கட்டத் தேர்தல்- ஏப்.1

3-ம் கட்டத் தேர்தல்- ஏப்.6

4-ம் கட்டத் தேர்தல்- ஏப்.10

5-ம் கட்டத் தேர்தல்- ஏப். 17

6-ம் கட்டத் தேர்தல்- ஏப்.22

7-ம் கட்டத் தேர்தல்- ஏப்.26

8-ம் கட்டத் தேர்தல்- ஏப். 29

வாக்கு எண்ணிக்கை மே-2

தவறவிடாதீர்!


Five assembly pollsWest BengalCounting of votes on May 2Election CommissionMaximum eight phasesதேர்தல் ஆணையம்5 மாநிலத் தேர்தல்மேற்குவங்கம்தமிழகம்புதுச்சேரிதேர்தல் ஆணையர்

Sign up to receive our newsletter in your inbox every day!

You May Like

More From This Category

More From this Author

x