Published : 04 Jan 2021 13:16 pm

Updated : 04 Jan 2021 13:16 pm

 

Published : 04 Jan 2021 01:16 PM
Last Updated : 04 Jan 2021 01:16 PM

தமிழகத்தில் ஒரு சில இடங்களில் 5, 6-ம் தேதிகளில் கனமழைக்கு வாய்ப்பு: இந்திய வானிலை ஆய்வு மையம்

rain

புதுடெல்லி

தமிழகம் மற்றும் புதுச்சேரியில் ஒருசில இடங்களில் ஜனவரி 5, 6-ம் தேதிகளில் கனமழைக்கு வாய்ப்பு இருப்பதாக இந்திய வானிலை ஆய்வு மையம் தெரிவித்துள்ளது.

இந்திய வானிலை மையம் வெளியிட்டுள்ள அறிக்கையில் கூறியிருப்பதாவது:


மத்திய பாகிஸ்தான் மற்றும் அதனையொட்டியுள்ள பகுதிகள், தென்மேற்கு ராஜஸ்தான் மற்றும் அதனையொட்டியுள்ள பகுதியில் புயல் மேலடுக்கு சுழற்சி காணப்படுகிறது. இதோடு வடக்கு மற்றும் தெற்கு மண்டலத்தில், வடக்கு பஞ்சாப்பில் இருந்து வடகிழக்கு அரபிக் கடல் வரை காற்று சங்கமும் இன்று காணப்பட்டது.

இதன் காரணமாக வடமேற்கு இந்தியாவில் ஜனவரி 5ம் தேதி வரை இடி, மின்னலுடன் மிதமானது முதல் தீவிர மழை பெய்யும். பஞ்சாப், ஹரியாணா, சண்டிகர் மற்றும் தில்லி, மேற்கு உத்தரப் பிரதேசம் மற்றும் வடக்கு ராஜஸ்தானில் 3 மற்றும் 4-ம் தேதிகளிலும், ஜம்மு காஷ்மீர், லடாக், முசாபராபாத், இமாச்சலப் பிரதேசம், உத்தரகாண்ட் ஆகிய பகுதிகளில் ஜனவரி 4 மற்றும் 5-ம் தேதிகளில் மழை பெய்யும்.

தமிழகம், புதுச்சேரி, காரைக்கால், கேரளா, மாஹே, லட்சத்தீவு ஆகிய பகுதிகளில்ஒருசில இடங்களில் ஜனவரி 5, 6-ம் தேதிகளில், இடி, மின்னலுடன் கனமழைக்கு வாய்ப்புள்ளது.
இவ்வாறு தெரிவித்துள்ளது.

தவறவிடாதீர்!


Rainஇந்திய வானிலை ஆய்வு மையம்புதுடெல்லிதமிழகம்புதுச்சேரிகனமழை

Sign up to receive our newsletter in your inbox every day!

You May Like

More From This Category

More From this Author

x