Published : 29 Nov 2020 12:03 pm

Updated : 29 Nov 2020 12:03 pm

 

Published : 29 Nov 2020 12:03 PM
Last Updated : 29 Nov 2020 12:03 PM

இந்தியாவில் கரோனாவிலிருந்து குணமடைந்தோர் 88 லட்சத்தைக் கடந்தனர்: பாதிப்பு 94 லட்சத்தை நெருங்குகிறது

covid-19-india-records-41-810-new-cases-tally-nears-94-lakh
கோப்புப்படம்

புதுடெல்லி

இந்தியாவில் கரோனா வைரஸ் பாதிப்பு 94 லட்சத்தை நெருங்குகிறது. நோயிலிருந்து குணமடைந்தோர் எண்ணிக்கை 88 லட்சத்தைக் கடந்துள்ளது என்று மத்திய சுகாதாரத்துறை அமைச்சகம் தெரிவித்துள்ளது.

இதுகுறித்து மத்திய சுகாதாரத்துறை அமைச்சகம் இன்று வெளியிட்ட தகவல்:


''இந்தியாவில் கடந்த 24 மணி நேரத்தில் புதிதாக 41 ஆயிரத்து 810 பேருக்குக் கரோனா தொற்று ஏற்பட்டுள்ளது. இதன் மூலம் ஒட்டுமொத்த பாதிப்பு 93 லட்சத்து 92 ஆயிரத்து 919 ஆக அதிகரித்துள்ளது.

இதில் ஆறுதல் தரும் வகையில் கரோனாவிலிருந்து குணமடைந்து வீடு திரும்பியோர் எண்ணிக்கை 88 லட்சத்து 2 ஆயிரத்து 267 ஆக உயர்ந்துள்ளது. கரோனாவிலிருந்து குணமடைந்தோர் விகிதம் 93.71 சதவீதமாக உயர்ந்துள்ளது.

கரோனாவில் தற்போது சிகிச்சை பெறுவோர் எண்ணிக்கை 4 லட்சத்து 53 ஆயிரத்து 956 ஆக அதிகரித்துள்ளது. ஒட்டுமொத்த பாதிப்பில் சிகிச்சை பெறுவோர் எண்ணிக்கை 4.83 சதவீதமாகக் குறைந்துள்ளது. தொடர்ந்து 19-வது நாளாக, கரோனாவில் சிகிச்சை பெறுவோர் எண்ணிக்கை 5 லட்சத்துக்கும் கீழ் குறைந்துள்ளது.

கடந்த 24 மணி நேரத்தில் கரோனா வைரஸால் 496 பேர் உயிரிழந்தனர். ஒட்டுமொத்த உயிரிழப்பு ஒரு லட்சத்து 36 ஆயிரத்து 696 ஆக அதிகரித்துள்ளது. கரோனாவில் உயிரிழப்பு 1.46 சதவீதமாகக் குறைந்துள்ளது.

கடந்த 24 மணி நேரத்தில் அதிகபட்சமாக டெல்லியில் 89 பேரும், மகாராஷ்டிராவில் 88 பேரும், மேற்கு வங்கத்தில் 52 பேரும், உ.பி.யில் 21 பேரும், கேரளாவில் 25 பேரும், ஹரியாணாவில் 30 பேரும், பஞ்சாப்பில் 28 பேரும் உயிரிழந்தனர்.

ஐசிஎம்ஆர் அறிக்கையின்படி, இதுவரை நாட்டில் 13.95 கோடி மாதிரிகள் பரிசோதிக்கப்பட்டன. இதில் நேற்று மட்டும் 12 லட்சத்து 83 ஆயிரத்து 449 மாதிரிகள் பரிசோதிக்கப்பட்டன.

கடந்த ஆகஸ்ட் 7-ம் தேதி கரோனா பாதிப்பு 20 லட்சத்தையும், 23-ம் தேதி 30 லட்சத்தையும், செப்டம்பர் 5-ம் தேதி 40 லட்சத்தையும் எட்டியது.

செப்டம்பர் 16-ம் தேதி 50 லட்சத்தையும், 28-ம் தேதி 60 லட்சத்தையும், அக்டோபர் 11-ம் தேதி 70 லட்சத்தையும் தொட்டது. 29-ம் தேதி 80 லட்சத்தையும், நவம்பர் 20-ம் தேதி 90 லட்சத்தையும் கடந்துள்ளது''.

இவ்வாறு மத்திய சுகாதாரத்துறை அமைச்சகம் தெரிவித்துள்ளது.

தவறவிடாதீர்!


COVID-1941810 new casesNears 94 lakhCOVID-19 caseloadUnion Health MinistryRecuperatedகரோனா வைரஸ்மத்திய சுகாதாரத்துறை அமைச்சகம்கரோனா பாதிப்பு 94 லட்சத்தை நெருங்குகிறது88 லட்சத்துக்கும் அதிகமாக குணமடைந்தனர்.

Sign up to receive our newsletter in your inbox every day!

You May Like

More From This Category

More From this Author

x