Published : 05 Jul 2020 08:23 am

Updated : 05 Jul 2020 08:23 am

 

Published : 05 Jul 2020 08:23 AM
Last Updated : 05 Jul 2020 08:23 AM

சென்னை உள்ளிட்ட 6 நகரங்களில் இருந்து கொல்கத்தாவுக்கு 2 வாரம் விமான சேவை ரத்து

flight-service-cancelled-for-kolkata

கொல்கத்தா: மேற்கு வங்கத்தில் கரோனா வைரஸ் பரவலை கட்டுப்படுத்தும் நடவடிக்கையாக சென்னை, டெல்லி, மும்பை உள்ளிட்ட 6 நகரங்களில் இருந்து கொல்கத்தாவுக்கு நாளை முதல் 2 வாரங்களுக்கு விமான சேவை நிறுத்தப்பட்டுள்ளது.

இதுகுறித்து கொல்கத்தா விமான நிலையத்திலிருந்து நேற்று வெளியான அறிக்கையில், “டெல்லி, மும்பை, புனே, நாக்பூர், சென்னை, அகமதாபாத் ஆகிய 6 நகரங்களில் இருந்து கொல்கத்தாவுக்கு ஜூலை 6 முதல் 19 வரை விமான சேவை நிறுத்தப்பட்டுள்ளது. இதனால் பயணிகளுக்கு ஏற்படும் அசவுகரியத்துக்கு வருந்துகிறோம்” என்று தெரிவிக்கப்பட்டுள்ளது.


நாட்டில் கரோனா வைரஸ் பாதிப்பை தொடர்ந்து கடந்த மார்ச் 25-ல் தேசிய அளவிலான ஊரடங்கு அமலுக்கு வந்தது. அப்போது உள்நாட்டு மற்றும் வெளிநாட்டு விமான சேவை நிறுத்தப்பட்டது. பிறகு 2 மாதங்களுக்கு பிறகு மே 25-ல் உள்நாட்டு விமான சேவை மீண்டும் தொடங்கப்பட்டது.

இந்நிலையில் மத்திய அரசுக்கு மேற்கு வங்க முதல்வர் மம்தா பானர்ஜி அண்மையில் எழுதிய கடித்தில், “கரோனா வைரஸ் அதிகம் பாதித்த 5 மாநிலங்களில் இருந்து மேற்கு வங்கத்துக்கு ரயில் மற்றும் விமான சேவைகளை நிறுத்த வேண்டும். பிற மாநிலங்களில் இருந்து வாரத்துக்கு ஒருமுறை மட்டும் விமானங்களை இயக்க வேண்டும்” என்று கோரியிருந்தார்.

இந்நிலையில் கொல்கத்தா விமான நிலையத்தில் இருந்து மேற்கண்ட அறிவிப்பு வெளியாகியுள்ளது.


2 வாரம் விமான சேவை ரத்துவிமான சேவை ரத்துசென்னைகொல்கத்தா

Sign up to receive our newsletter in your inbox every day!

You May Like

More From This Category

More From this Author