Published : 21 Feb 2020 19:06 pm

Updated : 21 Feb 2020 19:17 pm

 

Published : 21 Feb 2020 07:06 PM
Last Updated : 21 Feb 2020 07:17 PM

டெல்லி ரயில் நிலையத்தில் இலவசமாக பிளாட்ஃபார்ம் டிக்கெட் பெற 'நூதன முறை': மக்களிடையே வரவேற்பு

now-get-a-free-platform-ticket-at-delhi-s-anand-vihar-railway-station-for-exercising
உடற்பயிற்சி செய்யும் எந்திரத்தில் அமர்ந்து, எழும் இளைஞர்: படம் உதவி | ட்விட்டர்.

புதுடெல்லி,

மத்திய அரசு ஃபிட் இந்தியா (உடல் தகுதி) திட்டத்தை மக்களிடையே பரப்பும் வகையில் நூதனப் பிரச்சாரத்தை அறிமுகப்படுத்தியுள்ளது.

டெல்லியில் உள்ள ஆனந்த் விஹார் ரயில் நிலையத்தில் நடைபாதை டிக்கெட் வேண்டுவோர், அங்கு அமைக்கப்பட்டுள்ள உட்கார்ந்து எழும் இயந்திரத்தில் 3 நிமிடங்களில் 30 முறை தோப்புக்கரணம் போடுவதுபோல் அமர்ந்து எழுந்தால் இலவசமாக டிக்கெட் பெறலாம்.

இதுகுறித்து மத்திய ரயில்வே அமைச்சர் பியூஷ் கோயல் ட்விட்டரில் கூறுகையில், " உடலை ஆரோக்கியமாக வைத்து, பணத்தையும் சேமியுங்கள். மக்களுக்கு உடல் ஆரோக்கியத்தை மேம்படுத்தும் வகையில் ஆனந்த் விஹார் ரயில் நிலையத்தில் புதிய முறையைப் பரிசோதனை முயற்சியாகத் தொடங்கியுள்ளோம். புதிதாக வைக்கப்பட்டுள்ள இயந்திரத்தில் 3 நிமிடங்களில் 30 முறை உடற்பயிற்சி (அமர்ந்து எழுதல்) செய்தால் நடைபாதை டிக்கெட்டை இலவசமாகப் பெறலாம்" எனத் தெரிவித்துள்ளார்.

— Piyush Goyal (@PiyushGoyal) February 21, 2020


அதுமட்டுமல்லாமல் ஒரு பயணி உடற்பயிற்சி செய்யும் இயந்திரத்தில் அமர்ந்து, எழுந்து பயிற்சி செய்யும் வீடியோவையும் அமைச்சர் பியூஷ் கோயல் இணைத்துள்ளார்.

மத்திய விளையாட்டுத்துறை அமைச்சர் கிரண் ரிஜிஜூ ட்விட்டரில் கூறுகையில், " ரயில்வே அமைச்சர் பியூஷ் கோயல் புதிய முறையை அறிமுகப்படுத்தியுள்ளார். உடலையும் ஆரோக்கியமாக வைத்து பணத்தையும் சேமிக்கலாம். ஆனந்த் விஹார் ரயில் நிலையத்தில், உள்ள இயந்திரத்தில் 3 நிமிடங்கள் உடற்பயிற்சி செய்து இலவசமாக நடைபாதை டிக்கெட் பெறலாம். பிரதமர் மோடியால் ஃபிட் இந்தியா இயக்கம் அறிமுகம் செய்யப்பட்டது" எனத் தெரிவித்தார்.

அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

தவறவிடாதீர்!


Get a free platform ticketDelhi's Anand Vihar Railway StationFree platform ticketExercise in front of the machineA fitness machineUnion Railway Minister Piyush Goyalமத்திய அமைச்சர் பியூஷ் கோயல்இலவச நடைபாதை டிக்கெட்ரயில்வே துறைஉடல்தகுதி எந்திரம்

Sign up to receive our newsletter in your inbox every day!

You May Like

More From This Category

More From this Author