Published : 31 Oct 2014 18:46 pm

Updated : 31 Oct 2014 18:46 pm

 

Published : 31 Oct 2014 06:46 PM
Last Updated : 31 Oct 2014 06:46 PM

யூனிஸ் கான் இரட்டைச் சதம்; மிஸ்பா சதம்: பாகிஸ்தான் 570 ரன்களுக்கு டிக்ளேர்

570

அபுதாபியில் நடைபெற்று வரும் ஆஸ்திரேலியாவுக்கு எதிரான 2-வது டெஸ்ட் போட்டியின் 2-ஆம் நாள் ஆட்டத்தில் பாகிஸ்தான் தன் முதல் இன்னிங்ஸில் 6 விக்கெட்டுகள் இழப்பிற்கு 570 ரன்கள் எடுத்து டிக்ளேர் செய்தது.

நேற்று தொடர்ச்சியாக 3-வது சதமெடுத்து சாதனை புரிந்த யூனிஸ் கான் இன்று டெஸ்ட் கிரிக்கெட்டில் தனது 5-வது இரட்டைச் சதத்தை எடுத்து 213 ரன்கள் எடுத்து ஆட்டமிழந்தார்.

கேப்டன் மிஸ்பா உல் ஹக் 101 ரன்கள் எடுத்தார். இருவரும் இணைந்து 4-வது விக்கெட்டுக்காக 181 ரன்கள் சேர்த்து ஆஸ்திரேலியாவை வெறுப்பேற்றினர்.

யூனிஸ் கான் 349 பந்துகளில் 15 பவுண்டரி 2 சிக்சருடன் 213 ரன்கள் எடுத்து பீட்டர் சிடில் பந்தில் பவுல்டு ஆனார். மிஸ்பா உல் ஹக் 10 பவுண்டரிகள் 1 சிக்சருடன் 168 பந்துகளில் 101 ரன்கள் எடுத்து ஸ்மித் பந்தில் அவரிடமே கேட்ச் கொடுத்து ஆட்டமிழந்தார்.

நேதன் லயன் 37 ஓவர்கள் வீசி 154 ரன்களுக்கு 1 விக்கெட்டைக் கைப்பற்றினார். ஆஸ்திரேலிய வேகப்பந்து வீச்சாளர்கள் ஒருவரும் நல்ல வேளையாக ‘சதம்’ எடுக்கவில்லை.

இன்று காலை அசார் அலி 109 ரன்களில் ஹேடினுக்கு பதிலாக கீப் செய்த வார்னரிடம் கேட்ச் கொடுத்து ஸ்டார்க் பந்தில் வெளியேறினார். மிட்செல் ஜான்சன் தனது முழு வேகத்தையுன் தோள்பட்டைப் பலத்தையும் காட்டி யூனிஸ் கானை கொஞ்சம் பிரச்சினைக்குள்ளாக்கினார். அப்போது யூனிஸ் கான் கொடுத்த கேட்சை வார்னர் கல்லியில் கோட்டை விட்டார்.

பீட்டர் சிடில் பந்தை எட்ஜ் செய்த யூனிஸ் கான் கேட்சைப் பிடிக்கச் சென்ற பிராட் ஹேடின் காயம் அடைந்தார். அதன் பிறகு அவர் வெளியேற வார்னர் கீப் செய்தார்

அப்போது லயன் பந்தில் யூனிஸ் கானுக்கு ஸ்டம்பிங் வாய்ப்பைக் கோட்டை விட்டார் வார்னர்.

இன்று இன்னமும் 9 ஓவர்களை கடத்த வேண்டிய ஆஸ்திரேலியா, விக்கெட் இழப்பின்றி 18 ரன்கள் எடுத்துள்ளது. வார்னர், ராஜர்ஸ் ஆடி வருகின்றனர்.

அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

யூனிஸ் கான் இரட்டைச் சதம்மிஸ்பா சதம்பாகிஸ்தான்ஆஸ்திரேலியா2வது டெஸ்ட் கிரிக்கெட் போட்டிகிளார்க்ஜான்சன்

Sign up to receive our newsletter in your inbox every day!

You May Like

More From This Category

More From this Author