ஐஎஸ் அமைப்புடன் தொடர்புடைய 4 பேர் கொல்கத்தாவில் கைது

ஐஎஸ் தீவிரவாத அமைப்புடன் தொடர்புடையதாக 4 பேரை கொல்கத்தா போலீஸார் நேற்று கைது செய்துள்ளனர்.

ஐஎஸ் தீவிரவாத அமைப்புடன் தொடர்புடைய நியோ-ஜமாத்-உல்-முஜாகிதீன் பங்களாதேஷ் (ஜேஎம்பி) என்ற அமைப்பைச் சேர்ந்த 4 பேர் கொல்கத்தாவின் சியால்டா பகுதியில் தங்கியிருப் பதாக போலீஸாருக்கு நேற்று முன்தினம் ரகசியத் தகவல் கிடைத்தது.

இதையடுத்து அப்பகுதிக்கு விரைந்து சென்ற போலீஸார் அங்கு 2 பேரை கைது செய்தனர். அவர்கள் கொடுத்த தகவலின் பேரில் மேலும் 2 பேரை ஹவுரா ரயில் நிலையத்தில் நேற்று காலை கைது செய்தனர்.

இதுகுறித்து கொல்கத்தாவைச் சேர்ந்த மூத்த போலீஸ் அதிகாரி ஒருவர் கூறும்போது, “கைதான 4 பேரில் 3 பேர் வங்கதேசத்தைச் சேர்ந்தவர்கள். மற்றொருவர் இந்தியாவைச் சேர்ந்தவர். இவர் கள் 3 பேரும் சட்டவிரோதமாக இந்தியாவுக்கு வந்து சில நாட்க ளாகத் தங்கியுள்ளனர்.

இங்குள்ள சிலரை ஐஎஸ் தீவிர வாத அமைப்பில் சேர்ப்பதற்காக வந்துள்ளனர். அவர்கள் 3 பேருக்கும் கைதான இந்தியா வைச் சேர்ந்த 4-வது நபர் உதவியுள்ளார்.

அவர்களிடமிருந்து செல் போன்கள், ஜிஹாதி இலக்கியப் புத்தகங்கள் உள்ளிட்டவை பறி முதல் செய்யப்பட்டுள்ளன. அவர் கள் செல்போன்களில் இருந்த சில நபர்களின் புகைப்படங்களையும் போலீஸார் கண்டெடுத்துள்ளனர்.

இதுதொடர்பாக தீவிரமாக விசாரணை நடைபெற்று வரு கிறது” என்றார்.