இக்னோ பல்கலைக்கழகத்தில் மாணவர் சேர்க்கை ஆக.10-ம் தேதி வரை நீட்டிப்பு

சென்னை: இந்திரா காந்தி தேசிய திறந்தநிலை பல்கலைக்கழகத்தில் (இக்னோ) ஜூலை பருவ மாணவர் சேர்க்கைகான கடைசி தேதி ஆக.10-ம் தேதி வரை நீட்டிக்கப்பட்டுள்ளது.

இது தொடர்பாக, இக்னோவின் முதுநிலை மண்டல பொறுப்பு இயக்குநர் கே.பன்னீர்செல்வம் வெளியிட்ட செய்திக்குறிப்பில் கூறியிருப்பதாவது: இக்னோ பல்கலைக்கழகத்தில் இளநிலை, முதுநிலை, பட்டய மற்றும் சான்றிதழ் படிப்புகளுக்கான ஜூலை-2023 பருவ மாணவர் சேர்க்கைக்கான கடைசி தேதி வரும் ஆக. 10-ம் தேதி வரை நீட்டிக்கப்பட்டுள்ளது.

இந்த படிப்புகளை திறந்தநிலை வாயிலாக பயில விரும்புவோர் https://ignouadmission.samarth.edu.in என்ற இணையதளத்தின் வழியாகவும், ஆன்லைன் மூலம் படிக்க விரும்புவோர் https:// iop.ignouonline.ac.in என்ற வலைதளம் மூலமாகவும் சேர விண்ணப்பிக்கலாம்.

மேலும் பிஏ, பிகாம், பிஎஸ்சி படிப்புகளுக்கு விண்ணப்பிக்கும் தகுதியுடைய எஸ்சி, எஸ்டி விண்ணப்பதாரர்களுக்கு கட்டண விலக்கும் அளிக்கப்படுகிறது. கூடுதல் விவரங்களுக்கு 044-26618040 என்ற தொலைபேசி எண்ணை தொடர்பு கொள்ளலாம். இவ்வாறு அதில் கூறப்பட்டுள்ளது.