சித்தார்த் நாயகனாக நடிக்கும் ‘ரவுடி அண்ட் கோ’ திரைப்படத்தின் முதல் தோற்ற போஸ்டர் வெளியாகியுள்ளது.
இதில் ராஷி கன்னா, யோகி பாபு, ரெடின் கிங்ஸ்லி, சுனில் ரெட்டி, பிராங்க்ஸ்டர் ராகுல் உள்பட பலர் நடித்துள்ளனர். பேஷன் ஸ்டூடியோஸ் சுதன் சுந்தரம் தயாரிக்கும் இப்படத்தை ‘கப்பல்’ படத்தை இயக்கிய கார்த்திக் ஜி கிரிஷ் இயக்கியுள்ளார். அரவிந்த் சிங் ஒளிப்பதிவு செய்துள்ள இப்படத்துக்கு ரேவா இசை அமைத்துள்ளார்.
படப்பிடிப்பு முடிவடைந்து இதன் போஸ்ட் புரொடக் ஷன் பணிகள் நடந்து வருகின்றன. தமிழ், தெலுங்கு, இந்தி, கன்னடம், மலையாள மொழிகளில் பான் இந்தியா அளவில் விரைவில் ரிலீஸாக இருக்கும் இப்படத்தின் முதல் தோற்ற போஸ்டர் இணையத்தில் வரவேற்பைப் பெற்றுள்ளது.
