சிவகார்த்திகேயன் நடிக்கவுள்ள படத்தில், அவருக்கு தங்கையாக நடிக்க மாளவிகா மனோஜ் ஒப்பந்தம் செய்யப்பட்டு இருப்பதாக தகவல் வெளியாகியுள்ளது.
‘தாய் கிழவி’ படத்தின் அனைத்து பணிகளையும் முடித்துவிட்டு, தனது குடும்பத்தினருடன் சுற்றுலா சென்றுள்ளார் சிவகார்த்திகேயன். அதனை முடித்து திரும்பியவுடன் மதுரையில் தொடங்கும் ‘சேயோன்’ படப்பிடிப்பில் கலந்துக் கொள்ளவுள்ளார். அப்படத்தை முடித்துவிட்டு ‘பார்க்கிங்’ இயக்குநர் ராம்குமார் இயக்கத்தில் நடிக்க தேதிகள் ஒதுக்கியுள்ளார் சிவகார்த்திகேயன்.
இப்படத்தை பேஷன் ஸ்டூடியோஸ் நிறுவனம் தயாரிக்க பேச்சுவார்த்தை நடைபெற்று வருகிறது. விரைவில் ஒப்பந்தமாக கையெழுத்தாகும் எனத் தெரிகிறது. இதில் சிவகார்த்திகேயனுக்கு தங்கையாக முக்கிய கதாபாத்திரத்தில் நடிக்க மாளவிகா மனோஜிடம் பேச்சுவார்த்தை நடத்தப்பட்டுள்ளது. அவரும் கதை கேட்டு நடிக்க சம்மதம் தெரிவித்துள்ளார்.
விரைவில் படப்பிடிப்பு தேதிகள் முடிவானவுடன் ஒப்பந்தத்தில் கையெழுத்திடுவார் என தெரிகிறது. ‘சேயோன்’ படம் போலவே, ராம்குமார் படமும் குறுகிய கால தயாரிப்பாக உருவாகிறது. சிம்பு நடிக்க பூஜைப் போடப்பட்ட கதையில், இப்போது சிவகார்த்திகேயன் நடிக்க தொடங்கவுள்ளது. இதன் ஆரம்பகட்டப் பணிகள் மும்முரமாக நடைபெற்று வருகின்றன.
