‘ராக்கி’, ‘சாணிக்காயிதம்’, ‘கேப்டன் மில்லர்’ படங்களை இயக்கிய அருண் மாதேஸ்வரன், அடுத்து இயக்கியுள்ள படம் ‘டிசி’. இதில் லோகேஷ் கனகராஜ், தேவதாஸ் என்ற கேரக்டரில் கதாநாயகனாக நடித்துள்ளார்.
சன் பிக்சர்ஸ் தயாரிக்கும் இந்த கேங்ஸ்டர் டிராமா படத்துக்கு அனிருத் இசை அமைக்கிறார். இதில் சந்திரா என்ற கதாபாத்திரத்தில் வாமிகா கபியும் பார்வதி என்ற கதாபாத்திரத்தில் சஞ்சனா கிருஷ்ணமூர்த்தியும் நடிக்கின்றனர்.
இப்படத்தின் புரமோஷன் டீஸர் சில மாதங்களுக்கு முன் வெளியாகி வரவேற்பைப் பெற்றது. இந்நிலையில் இப்படத்தின் டிரெய்லர் தற்போது நடைபெற்று வரும் கேன்ஸ் திரைப்பட விழாவில் நாளை வெளியிடப்பட இருப்பதாக சன் பிக்சர்ஸ் அறிவித்துள்ளது.
