நடிகர் தனுஷ் ‘இட்லி கடை’, ‘தேரே இஸ்க் மே’ ஆகிய படங்களுக்குப் பிறகு ‘போர் தொழில்’ இயக்குநர் விக்னேஷ் ராஜா இயக்கிய ‘கர’ படத்தில் நடித்து முடித்துள்ளார். இதையடுத்து அவர் நடிக்கும் படத்தை ராஜ்குமார் பெரியசாமி இயக்குகிறார். தனுஷின் 55-வது படமான இதை அவருடைய வுண்டர்பார் பிலிம்ஸ் மற்றும் ஆர்டேக் ஸ்டூயோஸ் இணைந்து தயாரிக்கிறது.
இன்னும் பெயர் வைக்கப்படாத இப்படத்துக்குச் சாய் அபயங்கர் இசை அமைக்கிறார். இந்நிலையில் இப்படத்தில் நடிக்கும் கதாநாயகியைப் படக்குழு அறிவித்துள்ளது. அதன்படி ஸ்ரீலீலா இதில் நாயகியாக நடிக்கிறார்.
தெலுங்கு நடிகையான ஸ்ரீலீலா, சிவகார்த்திகேயனின் ‘பராசக்தி’ படம் மூலம் தமிழுக்கு வந்தார். அதில் அவர் நடிப்பு பேசப்பட்டது. இதையடுத்து தனுஷ் 55 படத்தில் இணைந்துள்ளார். தமிழ், தெலுங்கு தவிர இந்தியிலும் நடித்து வருகிறார் ஸ்ரீலீலா.
