ராகவா லாரன்ஸ் இயக்கி நடித்த ஹாரர், காமெடி படமான ‘காஞ்சனா’ கடந்த 2011-ம் ஆண்டு வெளியானது.
இதில் லட்சுமி ராய், சரத்குமார், கோவை சரளா, ஸ்ரீமன் மற்றும் பலர் நடித்தனர். தமன் இசையமைத்த இப்படம் தமிழ், தெலுங்கில் வெளியாகி இரண்டு மொழிகளிலும் சூப்பர் ஹிட் வெற்றியைப் பெற்றது. இதையடுத்து அவர், ‘காஞ்சனா’ வரிசை படங்களை இயக்கி வருகிறார்.
அதன் 4-வது பாகம் உருவாகி வருகிறது. தற்போது ‘காஞ்சனா’ படத்தின் தெலுங்கு பதிப்பை மார்ச் 13-ம் தேதி ஆந்திரா, தெலங்கானாவில் ரீ ரிலீஸ் செய்கின்றனர். இது தொடர்பான அறிவிப்பு வீடியோவை படக்குழுவினர் வெளியிட்டுள்ளனர்.
