அஸ்வின் குமார் இயக்கத்தில் உருவான அனிமேஷன் திரைப்படம்,‘மகா அவதார் நரசிம்மா’. இந்தப் படம் ரூ.300 கோடிக்கும் மேல் வசூலித்து ஆச்சரியப்படுத்தியது.
இதையடுத்து மகா விஷ்ணுவின் பத்து அவதாரங்களை விவரிக்கும் வகையில், மகா அவதார் சினிமாடிக் யுனிவர்ஸை ஹோம்பாளே பிலிம்ஸ் அறிவித்தது. அதன்படி இந்நிறுவனம் 10 அவதாரங்களில் 2-வது அவதாரமாக ‘மகா அவதார் பரசுராம்’ படம் பற்றி அறிவித்திருந்தது.
அஸ்வின் குமார் இயக்கும் இப்படம், க்ளீம் புரொடக் ஷன்ஸ் உடன் இணைந்து தயாரிக்கப்படுகிறது. இதன் மோஷன் போஸ்டரை படக்குழு வெளியிட்டுள்ளது. இந்தப் படம் 2027-ம் ஆண்டு டிசம்பர் மாதம் வெளியாக உள்ளது.
இந்த படத்துக்கு சாம் சி.எஸ் இசையமைக்கிறார். இந்த படத்துக்காக அவர், படம் உருவாவதற்கு முன்பே இசைப் பணியை தொடங்கி இருப்பதாக படக்குழு தெரிவித்துள்ளது. பொதுவாக காட்சிகள் தயாரான பிறகே இசை அமைப்பது வழக்கம் என்றாலும், இங்கு அதற்கு மாறாக இசை முதலில் உருவாக்கப்பட்டு, அதனை அடிப்படையாகக் கொண்டு அனிமேஷன் காட்சிகள் வடிவமைக்கப்பட உள்ளன.
இந்த படத்தில் ஹாலிவுட் இசைக் கலைஞர்கள் உட்பட 250-க்கும் மேற்பட்ட சர்வதேச தொழில்நுட்ப நிபுணர்கள் இணைந்துள்ளனர்.
