திரையுலகில் அறிமுகமாகி 16 ஆண்டுகள் நிறைவு செய்துள்ள நடிகர் சந்தீப் கிஷன், அடுத்து கிருஷ்ண சைதன்யா இயக்கும் படத்தில் நடிக்க இருக்கிறார்.
மதி ஒளிப்பதிவு செய்யும் இப்படத்துக்கு மணி சர்மா இசையமைக்கிறார். 70 எம்எம் என்டர்டெய்ன்மென்ட்ஸ் நிறுவனம் சார்பில் விஜய் சில்லா,சசி தேவி ரெட்டி தயாரிக்கின்றனர். இப்படத்துக்கு ‘பவர் பேட்டா’ என்று தலைப்பு வைத்துள்ளனர்.
இந்த டைட்டில் போஸ்டர் வரவேற்பைப் பெற்றுள்ளது. “இருண்ட, யதார்த்தமான மற்றும் குறியீடுகள் நிறைந்த டைட்டில் போஸ்டரில் ரத்தத்தில் தோய்ந்த சதுரங்க பலகையும் இடம் பிடித்துள்ளது. சதுரங்க காய்கள் உடைந்தும் விழுந்தும் அல்லது ஒரு விதமான வெற்றியின் தருவாயில் நிற்பது போன்றும் தோன்றுகின்றன.
அதே நேரம் வன்முறையால் கறைபட்டு நசுக்கப்பட்ட ரோஜா பூ, அந்த குழப்பங்களுக்கு மத்தியில் இடம் பிடித்திருக்கிறது. இந்த காட்சி படத்தின் கருப் பொருளான காதல் - கவுரவம் - அரசியல்- ஆகியவற்றுக்கான குரலாக ஒலிக்கிறது” என்று படக்குழு தெரிவித்துள்ளது.
