பழம்பெரும் நடிகை ஜெய்க்குமாரிக்கு சிறுநீரகங்கள் பாதிப்பு

தமிழில், ‘நாடோடி’, ‘அனாதை ஆனந்தன்’, ‘மன்னவன்’, ‘ரிக்‌ஷாக்காரன்’, ‘காசேதான் கடவுளடா’ உட்பட பல்வேறு படங்களில் கவர்ச்சி வேடங்களில் நடித்தவர் ஜெய்க்குமாரி. தமிழ், மலையாளம், தெலுங்கு, கன்னடம் உட்பட பல்வேறு மொழிகளில் சுமார் 200-க்கும் மேற்பட்ட படங்களில் நடித்துள்ளார். இவருக்குத் திருமணமாகி ஒரு மகன், 2 மகள்கள் உள்ளனர். சென்னை வேளச்சேரியில் வசித்து வந்த அவருக்கு சிறுநீரகங்கள் பாதிக்கப்பட்டுள்ளன. இதையடுத்து அரசு மருத்துவமனையில் அனுமதிக்கப்பட்டுள்ளார். அவருக்கு மருத்துவர்கள் தீவிர சிகிச்சை அளித்து வருகின்றனர்.