Published : 31 Mar 2016 01:09 PM
Last Updated : 31 Mar 2016 01:09 PM
ஏ.எம்.ரத்னம் தயாரிப்பில் விக்னேஷ் சிவன் இயக்கத்தில் மீண்டும் நடிக்க ஒப்பந்தமாகி இருக்கிறார் விஜய் சேதுபதி.
கடந்தாண்டு அக்டோபர் மாதம் வெளியாகி பெரும் வரவேற்பைப் பெற்ற படம் 'நானும் ரவுடிதான்'. விஜய் சேதுபதி, நயன்தாரா, பார்த்திபன், ஆர்.ஜே.பாலாஜி உள்ளிட்ட பலர் நடித்த இப்படத்தை விக்னேஷ் சிவன் இயக்கி இருந்தார். அனிருத் இசையமைத்த இப்படத்தை தனுஷ் தயாரித்திருந்தார்.
இப்படத்தின் இசைக்கும், கதைகளத்திற்கும் பெரும் வரவேற்பைப் பெற்றது. விமர்சனம் ரீதியாகவும், வசூல் ரீதியாகவும் நல்ல வரவேற்பும் கிடைத்தது.
தற்போது மீண்டும் விக்னேஷ் சிவன் - விஜய் சேதுபதி கூட்டணி இணைந்து படம் பண்ணவிருக்கிறது. இப்படத்தை ஏ.எம்.ரத்னம் தயாரிக்க இருக்கிறார். 'காத்துவாக்குல ரெண்டு காதல்' என்று தலைப்பிடப்பட்டு இருக்கும் இப்படத்தின் படப்பிடிப்பு இந்த வருட இறுதியில் துவங்கும் என தெரிகிறது. அனிருத் இசையமைக்க இருக்கிறார்.
இப்படத்தின் கதைக்கு திரைக்கதை வடிவம் கொடுக்கும் பணியில் தீவிரமாக ஈடுபட்டு வருகிறார் விக்னேஷ் சிவன். அப்பணிகளை முடித்துவிட்டு விஜய் சேதுபதியுடன் நடிக்கவிருக்கும் நடிகர், நடிகைகள் தேர்வு நடைபெற இருக்கிறது.
Sign up to receive our newsletter in your inbox every day!
WRITE A COMMENT