Published : 01 Oct 2021 06:00 PM
Last Updated : 01 Oct 2021 06:00 PM

'ஜெய் பீம்', 'உடன்பிறப்பே' வெளியீட்டுத் தேதி அறிவிப்பு

சென்னை

ஓடிடியில் 'ஜெய் பீம்' மற்றும் 'உடன்பிறப்பே' ஆகிய படங்களின் வெளியீட்டுத் தேதிகள் அறிவிக்கப்பட்டுள்ளன.

சமீபத்தில் சூர்யாவின் 2டி நிறுவனம் தயாரிப்பில் உருவான 4 படங்கள் நேரடி ஓடிடி வெளியீட்டை உறுதி செய்தன. இதில் 'இராமே ஆண்டாலும் இராவணே ஆண்டாலும்' திரைப்படம் அமேசான் ப்ரைம் ஓடிடியில் வெளியாகிவிட்டது.

இந்தப் படத்தைத் தொடர்ந்து அடுத்த 2 படங்களின் வெளியீட்டை அமேசான் ப்ரைம் நிறுவனம் உறுதி செய்துள்ளது. இரா.சரவணன் இயக்கத்தில் சசிகுமார், ஜோதிகா, சமுத்திரக்கனி, சூரி உள்ளிட்ட பலர் நடித்துள்ள 'உடன்பிறப்பே' திரைப்படம் அக்டோபர் 14-ம் தேதி வெளியாகவுள்ளது. ஒரே சமயத்தில் தமிழ் மற்றும் தெலுங்கு ஆகிய மொழிகளில் வெளியாகவுள்ளது.

தா.செ.ஞானவேல் இயக்கத்தில் சூர்யா, லிஜோ மோல் ஜோஸ் உள்ளிட்ட பலர் நடித்துள்ள 'ஜெய் பீம்' திரைப்படம் நவம்பர் 2-ம் தேதி வெளியாகும் என்று அமேசான் நிறுவனம் அறிவித்துள்ளது. இதுவும் பல்வேறு மொழிகளில் ஒரே சமயத்தில் வெளியாகும் எனக் கூறப்படுகிறது.

தவறவிடாதீர்!

Sign up to receive our newsletter in your inbox every day!

 
x